തിരുവനന്തപുരം വിമാനത്താവള സ്വകാര്യവത്ക്കരണം ; തന്റെ ഭാഗം വിശദീകരിച്ച് തരൂര്‍
തിരുവനന്തപുരം വിമാനത്താവളം സ്വകാര്യവല്‍കരണത്തില്‍ തന്റെ ഭാഗം വിശദീകരിച്ച് ശശി തരൂര്‍ എംപി. മോദി സര്‍ക്കാരാണ് തിരുവനന്തപുരം വിമാനത്താവളം സ്വകാര്യവല്‍കരിക്കാനുള്ള തീരുമാനം കൈക്കൊണ്ടത്. നടപടിക്കായുള്ള ലേലത്തില്‍ പങ്കെടുത്തത് സംസ്ഥാന സര്‍ക്കാരും. ഈ വിഷയത്തില്‍ എംപി എന്ന നിലയില്‍ തനിക്ക് എന്തു ചെയ്യാനാകുമെന്ന് ശശി തരൂര്‍ ചോദിച്ചു.
ലേലത്തില്‍ പങ്കെടുക്കാന്‍ തീരുമാനിച്ചതോടെ സംസ്ഥാന സര്‍ക്കാര്‍ സ്വകാര്യവല്‍ക്കരണത്തെ അംഗീകരിക്കുകയാണ് ചെയ്തത്. തിരുവനന്തപുരം വിമാനത്താവളത്തിന്റെ സ്വകാര്യവല്‍ക്കരണം യാഥാര്‍ത്ഥ്യമായിക്കഴിഞ്ഞു. ഈ അവസരത്തില്‍ സ്വകാര്യവല്‍ക്കരണത്തെ തടസപ്പെടുത്തുന്നത് വികസനത്തെ ബാധിക്കുമെന്നും ശശി തരൂര്‍ എംപി തിരുവനന്തപുരത്ത് പറഞ്ഞു. അതുകൊണ്ടുതന്നെ ഇപ്പോഴുള്ള നടപടിക്കെതിരായ നീക്കങ്ങള്‍ വികസനത്തെ ബാധിക്കുമെന്ന് തരൂര്‍ പറയുന്നു.
വിമാനത്താവളം സ്വകാര്യവത്ക്കരിച്ചതിനു എതിരെ സോഷ്യല്‍ മീഡിയയില്‍ അടക്കം വ്യാപകമായ പ്രതിഷേധം ഉയര്‍ന്നു വരികയാണ്.
