ഇടതുപക്ഷത്തെ ന്യായീകരിച്ച് വാക്ക് പാലിച്ച് രാഹുൽ ഗാന്ധി
ഇടത് പക്ഷത്തിനെതിരെ ഒരക്ഷരം പറയില്ലെന്ന വാക്ക് പാലിച്ച് രാഹുല്‍ഗാന്ധി വയനാട്ടില്‍ നാമനിര്‍ദ്ദേശ പത്രിക സമര്‍പ്പിക്കാനെത്തിയപ്പോള്‍ തന്നെ താന്‍ ഇടത് പക്ഷത്തിനു എതിരെ ഒന്നും പറയില്ല എന്ന് രാഹുല്‍ ഗാന്ധി പറഞ്ഞിരുന്നു.
ആര്‍എസ്എസിനെ പോലെ അല്ല ഇടത് പക്ഷം. ആര്‍എസ്എസ് രാജ്യത്തോട് ചെയ്തതൊന്നും ഇടത് പക്ഷം ചെയ്തിട്ടില്ലെന്നും രാഹുല്‍ ഗാന്ധി പറഞ്ഞു. ആര്‍എസ്എസിനെ പോലെ ഇടതുപക്ഷം ഭരണഘടനാ സ്ഥാപനങ്ങളെ തകര്‍ക്കാന്‍ ശ്രമിച്ചിട്ടില്ലെന്നും രാഹുല്‍ ഗാന്ധി ആലപ്പുഴ പ്രസംഗത്തില്‍ പറഞ്ഞു.
ആര്‍എസ്എസിനെ പ്രതിരോധിക്കാന്‍ കഴിയുക കോണ്‍ഗ്രസ്സിന് മാത്രമാണെന്നും രാഹുല്‍ ഗാന്ധി കൂട്ടി ചേര്‍ത്തു. ഇടത് പക്ഷത്തിനെതിരെ ഒരക്ഷരം പറയില്ലെന്ന് വയനാട്ടില്‍ നാമനിര്‍ദ്ദേശ പത്രിക സമര്‍പ്പിക്കാനെത്തിയപ്പോള്‍ തന്നെ രാഹുല്‍ ഗാന്ധി പറഞ്ഞിരുന്നു.
തെക്കന്‍ കേരളത്തില്‍ പത്തനാപുരത്ത് നിന്ന് തുടങ്ങി പത്തനംതിട്ടയിലും ആലപ്പുഴയിലുമെല്ലാം പൊതുയോഗങ്ങളില്‍ പങ്കെടുത്തെങ്കിലും ഒരു വിമര്‍ശനവും രാഹുല്‍ ഇടത് പക്ഷത്തിനെതിരെ നടത്തിയതുമില്ല.
