രജനികാന്തിന്റെ വില്ലനായി ചെമ്പൻ വിനോദ് വീണ്ടും തമിഴിൽ
എആര്‍ മുരുഗദോസ് സംവിധാനം ചെയ്യുന്ന രജനികാന്ത് ചിത്രം ദര്‍ബാറിലൂടെ ചെമ്പന്‍ വിനോദ് വീണ്ടും തമിഴ് സിനിമയില്‍ അഭിനയിക്കാനൊരുങ്ങുന്നു. സിനിമയില്‍ വില്ലന്‍ വേഷമാവും ചെമ്പന്‍ അഭിനയിക്കുക. പ്രതീക് ബബ്ബാറാണ് ദര്‍ബാറില്‍ പ്രധാന വില്ലന്‍ കഥാപാത്രമായി എത്തുന്നത്. പ്രതീക് ബബ്ബാറിന്റെ കൂട്ടാളിയായിട്ടാണ് ചെമ്പന്‍ വിനോദ് അഭിനയിക്കുക എന്നാണ് റിപ്പോര്‍ട്ട്.
ഡിസിപി മണിരാജ് പൊലീസ് ഓഫീസറായാണ് രജനികാന്ത് ചിത്രത്തില്‍ അഭിനയിക്കുക.നയന്‍താരയാണ് രജനിയുടെ നായികാ കഥാപാത്രമാകുന്നത്. മലയാളി താരം നിവേത രജനികാന്തിന്റെ മകളായി അഭിനയിക്കുന്നു. സന്തോഷ് ശിവനാണ് ഛായാഗ്രഹണം നിര്‍വഹിക്കുന്നത്. അനിരുദ്ധ രവിചന്ദെര്‍ ആണ് സംഗീതസംവിധായകന്‍. ഏറെക്കാലത്തിനു ശേഷമാണ് രജനി കാന്ത് പോലീസ് വേഷത്തില്‍ എത്തുന്നത്.
