സ്‌കൂള്‍ ബസ് കൊക്കയിലേക്ക് മറിഞ്ഞ് ഒമ്പത് വിദ്യാര്‍ത്ഥികള്‍ മരിച്ചു
സ്‌കൂള്‍ ബസ് കൊക്കയിലേക്ക് മറിഞ്ഞുണ്ടായ അപകടത്തില്‍ ഉത്തരാഖണ്ഡില്‍ ഒമ്പത് വിദ്യാര്‍ത്ഥികള്‍ മരിച്ചു. മൂന്ന് വിദ്യാര്‍ത്ഥികള്‍ക്ക് പരിക്കേറ്റിട്ടുണ്ട്. ടെഹ്റി ഗെര്‍വാളിലെ കംഗ്സാലിയില്‍ ഇന്ന് രാവിലെയായിരുന്നു അപകടം. ബസ് നിയന്ത്രണം വിട്ട് കൊക്കയിലേക്ക് മറിയുകയായിരുന്നുവെന്നാണ് വിവരം.
18 വിദ്യാര്‍ത്ഥികളാണ് ബസ്സിലുണ്ടായിരുന്നത്. പരിക്കേറ്റവരെ സമീപത്തെ ആശുപത്രിയില്‍ പ്രവേശിപ്പിച്ചിട്ടുണ്ട്. സംസ്ഥാന ദുരന്തനിവാരണ സേന സ്ഥലത്തെത്തിയാണ് രക്ഷാപ്രവര്‍ത്തനം നടത്തിയത്.
