നെടുമ്പാശ്ശേരി വിമാനത്താവളം ഞായറാഴ്ച തുറക്കും

നെടുമ്പാശ്ശേരി അ​ന്താ​രാ​ഷ്ട്ര വിമാനത്താവളം ഞായറാഴ്ച 12 മണിക്ക് തുറക്കുമെന്ന് റിപ്പോര്‍ട്ട്. അതിശ​ക്ത​മാ​യ മ​ഴ​യെ​ത്തു​ട​ര്‍​ന്ന് വ്യാഴാഴ്ച വൈകുന്നേരമാണ് റ​ണ്‍​വെ​യി​ല്‍ വെ​ള്ളം ക​യ​റി​യ​തി​നെ തുടർന്ന് വി​മാന​ത്താ​വ​ളം അ​ട​ച്ച​ത്. ആ​ദ്യം രാ​ത്രി 12 വ​രെ​യാ​ണ് അ​ട​ച്ച​തെ​ങ്കി​ലും മ​ഴ ശ​ക്ത​മാ​യ​തി​നെ തു​ട​ര്‍ന്ന് തുറക്കുന്നത് നീട്ടിവയ്ക്കുകയായിരുന്നു.

വിമാനത്താവളത്തില്‍ നിന്നും വെള്ളമിറങ്ങി തുടങ്ങിയതോടെ ജീവനക്കാര്‍ ശുചീകരണം ആരംഭിച്ചിട്ടുണ്ട്. ടാ​ക്സി ബേ ​ഉ​ള്‍​പ്പ​ടെ​യു​ള്ള ഭാ​ഗ​ങ്ങ​ളി​ല്‍ ക​യ​റി​യ വെ​ള്ളം കൂ​ടി പൂ​ര്‍ണമാ​യും ഒ​ഴി​വാ​ക്കേ​ണ്ട​തു​ണ്ട്.

വി​മാ​ന​ത്താ​വ​ള​ത്തി​ലെ റ​ണ്‍​വേ​യി​ലും മ​റ്റും വെ​ള്ളം ക​യ​റി​യ​ത് മാ​റ്റു​ന്ന​തി​നു​ള്ള പ്ര​വ​ര്‍​ത്ത​ന​ങ്ങ​ള്‍ ദു​ത്ര​ഗ​തി​യി​ല്‍ നടന്നുവരികയാണ്. അ​പ്ര​തീ​ക്ഷി​ത​മാ​യി പെ​രി​യാ​റി​ലെ ജ​ല​നി​ര​പ്പ് താ​ഴ്ന്ന​താ​ണ് വെ​ള്ളം എ​ളു​പ്പ​ത്തി​ല്‍ ഇ​റ​ങ്ങി പോ​കു​ന്ന​തി​ന് സ​ഹാ​യ​ക​മാ​യ​ത്. വി​മാ​ന​ത്താ​വ​ള​ത്തി​ന്‍റെ ഒ​രു ഭാ​ഗ​ത്ത് നൂ​റ് മീ​റ്റ​ര്‍ നീ​ള​ത്തി​ല്‍ മ​തി​ല്‍ ഇ​ടി​ഞ്ഞ് വീ​ണ​തും വെ​ള്ളമിറങ്ങുന്നത് വേഗത്തിലാക്കി.

പെ​രി​യാ​റി​ലെ ജ​ല​നി​ര​പ്പ് വീണ്ടും ഉ​യ​ര്‍​ന്നി​ല്ലെങ്കി​ല്‍ ഞായറാഴ്ച വൈകിട്ടോടെ വെ​ള്ളം പൂ​ര്‍ണ​മാ​യുമിറങ്ങി പോ​കു​ന്ന​തി​നു​ള്ള പ്ര​വ​ര്‍​ത്ത​ന​ങ്ങ​ളാ​ണ് ന​ട​ക്കുന്നത്. ശു​ദ്ധീ​ക​ര​ണ പ്ര​വ​ര്‍​ത്ത​ന​ങ്ങ​ള്‍ പൂ​ര്‍​ത്തീ​ക​രി​ച്ച​തി​നു ശേഷം ഉ​ന്ന​ത​ത​ല യോ​ഗം ചേര്‍ന്നാകും വിമാനത്താവളം തുറക്കുന്ന കാര്യം തീരുമാനിക്കുക.

ശക്തമായ മഴ കാരണം കുടുങ്ങിയ മൂന്ന് വിമാനങ്ങള്‍ വിമാനത്താവളത്തില്‍ നിന്നും പോയി. ഇനി അഞ്ച് വിമാനങ്ങള്‍ കൂടി വിമാനത്താവളത്തിലുണ്ട്. ഞായറാഴ്ച മു​ത​ല്‍ കൊ​ച്ചി​യി​ല്‍ നി​ന്ന് സ​ര്‍​വീ​സ് തു​ട​ങ്ങാ​മെ​ന്ന നി​ല​യി​ല്‍ എ​യ​ര്‍ ലൈ​ന്‍​സു​ക​ള്‍ ടി​ക്ക​റ്റുകള്‍ വി​ത​ര​ണം ചെയ്തു തു​ട​ങ്ങി​യി​ട്ടു​ണ്ട്. കഴിഞ്ഞ പ്രളയത്തില്‍ റണ്‍വേയിലടക്കം വെള്ളം കയറിയതിനെ തുടര്‍ന്ന് നെടുമ്പാശ്ശേരി വിമാനത്താവളം അടച്ചിട്ടിരുന്നു.