ബൈക്കിലെത്തി മാല പൊട്ടിച്ചവനെ തൂക്കി നിലത്തിട്ട് വീട്ടമ്മ ; കൂട്ടമായി പഞ്ഞിക്കിട്ടു നാട്ടുകാര്‍ (വീഡിയോ)
ബൈക്കിലെത്തി സ്ത്രീകളുടെ മാല മോഷ്ട്ടിക്കുന്നവര്‍ നമ്മുടെ നാട്ടിലും ധാരാളമാണ്. ഇങ്ങനെയുള്ള വേളകളില്‍ പലപ്പോഴും നിസ്സഹായരായി നോക്കി നില്‍ക്കുവാനെ സ്ത്രീകള്‍ക്ക് കഴിയാറുള്ളു. എന്നാല്‍ ഇതില്‍ നിന്നൊക്കെ വ്യത്യസ്തമായി തന്റെ മാല പൊട്ടിച്ച മോഷ്ടാക്കളെ നേരിട്ട വീട്ടമ്മയുടെ വീഡിയോ വൈറലാകുകയാണ്. ദില്ലിയിലെ നന്‍ഗ്ലോയിലാണ് സംഭവം. സൈക്കിള്‍ റിക്ഷയില്‍ വന്നിറങ്ങിയ സ്ത്രീയും മകളും റോഡ് മുറിച്ച് കടക്കാന്‍ നോക്കുമ്പോഴാണ് ഹെല്‍മറ്റ് ധരിച്ച് ബൈക്കിലെത്തിയ മോഷ്ടാക്കള്‍ മാല പൊട്ടിച്ചത്.
ഉടനെ മുന്നോട്ട് പോകാന്‍ ശ്രമിച്ച സമയം പേടിച്ചു നിലവിളിക്കാതെ മാല പൊട്ടിച്ചയാളുടെ കൈയില്‍ വീട്ടമ്മ പിടിച്ചു വലിക്കുകയും തുടര്‍ന്ന് മോഷ്ട്ടാക്കളും ബൈക്കും വീഴുകയുമായിരുന്നു . തുടര്‍ന്ന് വീട്ടമ്മയും വഴിയാത്രക്കാരും ചേര്‍ന്ന് മാല പൊട്ടിച്ചയാളെ നന്നായി കൈകാര്യം ചെയ്തു. ഇതിനിടെ ബൈക്കോടിച്ച ആള്‍ കൂടെയുള്ളയാളിനെ കളഞ്ഞു ജീവനും കൊണ്ട് ഓടുകയും ചെയ്തു. കൈകാര്യം ചെയ്തതിനു ശേഷം നാട്ടുകാര്‍ തന്നെ മോഷ്ട്ടാവിനെ പോലീസില്‍ ഏല്‍പ്പിച്ചു.
