സൗജന്യ മെഡിക്കല്‍ ക്യാമ്പ്: രജിസ്ട്രേഷന്‍ 19 വരെ
അബുദാബി: മമ്മൂട്ടി ഫാന്‍സ് അബുദാബി യൂണിറ്റ് ഒരുക്കുന്ന സൗജന്യ മെഡി ക്കല്‍ ക്യാമ്പ്, സെപ്റ്റംബര്‍ 20 വെള്ളിയാഴ്ച രാവിലെ 9 മണി മുതല്‍ അബുദാബി ഇലക്ട്രാ സ്ട്രീറ്റിലെ എല്‍. എല്‍. എച്ച്. ആശുപത്രിയില്‍ നടക്കും എന്ന് സംഘാടകര്‍ അറിയിച്ചു. ഈ ക്യാമ്പില്‍ പങ്കെടുക്കാന്‍ ആഗ്രഹമുള്ളവര്‍ സെപ്റ്റംബര്‍ 19നു (വ്യാഴാഴ്ച) മുന്‍പേ രജിസ്റ്റര്‍ ചെയ്യണം.
പ്രമേഹം, രക്ത സമ്മര്‍ദ്ദം, ഹൃദ്രോഗം, കൊളസ്‌ട്രോള്‍ തുടങ്ങിയ രോഗങ്ങള്‍ കണ്ടെത്തുവാനുള്ള പരിശോധനകള്‍ വിവിധ രോഗ ചികിത്സകളില്‍ വിദഗ്ദരായ ഡോക്ടര്‍മാരുടെ മേല്‍നോട്ടത്തില്‍ നടക്കും. ജീവിത ശൈലി രോഗങ്ങളെകുറിച്ചുള്ള ബോധവത്ക്കരണവും ഈ ക്യാമ്പില്‍ വെച്ച് നടത്തും.
കാരുണ്യ പ്രവര്‍ത്തനം മുഖ മുദ്രയാക്കി യ മമ്മൂട്ടി ഫാന്‍സ് യു. എ. ഇ. ചാപ്റ്ററിന്റെ നേതൃത്വത്തില്‍ പത്മശ്രീ മമ്മൂട്ടിയുടെ ജന്മദിന ആഘോഷങ്ങളോട് അനുബന്ധിച്ച് അബുദാബി യുണിറ്റ് നടത്തി വരുന്ന പ്രവര്‍ത്തനങ്ങളുടെ ഭാഗമായിട്ടാണ് എല്‍. എല്‍. എച്ച്. ആശുപത്രിയുമായി സഹകരിച്ച് ഈ മെഡിക്കല്‍ ക്യാമ്പ് ഒരുക്കുന്നത്.
രജിസ്ട്രേഷനും മറ്റു വിവരങ്ങള്‍ക്കുമായി വിളിക്കുക: +971 56 323 2746, (മുഹമ്മദ് ഉനൈസ്) +971 56 820 1077 (ഫിറോസ് ഷാ)
