ഫാ. ഡാനിയേല്‍ പൂവണ്ണത്തില്‍ വിയന്നയില്‍: വചന ധ്യാനം ഒക്ടോബര്‍ 11ന്
വിയന്ന: പ്രശസ്ത വചനപ്രഘോഷകന്‍ ഫാ. ഡാനിയേല്‍ പൂവണ്ണത്തില്‍ വിയന്നയിലെത്തി. മാര്‍ ഇവാനിയോസ് മലങ്കര കത്തോലിക്കാ ഇടവകയുടെ വികാരി ഫാ. തോമസ് പ്രശോഭും ഇടവകയുടെ പ്രതിനിധികളും ചേര്‍ന്ന് അദേഹത്തെ വിയന്ന വിമാനത്താവളത്തത്തില്‍ സ്വീകരിച്ചു.
ഫാ. ഡാനിയേല്‍ നയിക്കുന്ന ‘ജീവന്റെ വചനം 2019’ ധ്യാനം ഒക്ടോബര്‍ 11 മുതല്‍ 13 വരെ നടക്കും. വിയന്നയിലെ എട്ടാമത്തെ ജില്ലയിലുള്ള ഫ്ലോറിയാനിഗാസെയിലെ ബ്രൈതന്‍ഫെല്‍ഡ് ദേവാലയത്തിലാണ് നടക്കുന്നത്.
മൂന്നു ദിവസങ്ങളിലായി രാവിലെ 9 മണി മുതല്‍ 6 മണി വരെ നടക്കും. ജര്‍മ്മന്‍ ഭാഷ സംസാരിക്കുന്നവര്‍ക്ക് വേണ്ടി പ്രത്യേക സമ്മേളനവും ഉണ്ടായിരിക്കുന്നതാണ്. ഏവരെയും ധ്യാനശുശ്രുഷകളിലേയ്ക്ക് ക്ഷണിക്കുന്നതായി ഇടവക സമൂഹത്തിന്റെ വികാരി ഫാ. തോമസ് പ്രശോഭ് ഓ.ഐ.സി അറിയിച്ചു.
കൂടുതല്‍ വിവരങ്ങള്‍ക്കും, രജിസ്ട്രേഷനും അസി. വികാരി ഫാ. ഷൈജു മാത്യു മേപ്പുറത്ത് ഓ.ഐ.സി, പ്രിന്‍സ് പത്തിപ്പറമ്പില്‍, സാബു മാരേട്ട്, ലില്ലിക്കുട്ടി പെരുമ്പ്രാല്‍, സണ്ണി പുത്തന്‍പറമ്പില്‍, അനു ആല്‍ബിന്‍, കെവിന്‍ ചാക്കോ വെട്ടുപറമ്പില്‍ എന്നിവരെ സമീപിക്കുക (670 6028476, 660 6686394)
