ഉപതിരഞ്ഞെടുപ്പ് ; മൂന്നിടത്ത് യു ഡി എഫ് ; രണ്ടിടത് എല്‍ ഡി എഫ്
സംസ്ഥാനത്തു അഞ്ചിടങ്ങളില്‍ നടന്ന ഉപതിരഞ്ഞെടുപ്പില്‍ മൂന്നിടത്ത് യു ഡി എഫും രണ്ടിടത് എല്‍ ഡി എഫും വിജയിച്ചു. ഏറ്റവും ശ്രദ്ധേയമായ പോരാട്ടം നടന്ന വട്ടിയൂര്‍ക്കാവില്‍ എല്‍ ഡി എഫിന്റെ സ്ഥാനാര്‍ഥി വി കെ പ്രശാന്ത് മിന്നുന്ന വിജയം കരസ്ഥമാക്കി. 14465 വോട്ടുകളുടെ ഭൂരിപക്ഷത്തിനാണു പ്രശാന്ത് വിജയിച്ചത്. 54830 വോട്ടുകളാണ് വി കെ പ്രശാന്ത് ആകെ നേടിയത്. മണ്ഡലത്തിലെ യുഡിഎഫ് സ്ഥാനാര്‍ത്ഥി കെ മോഹന്‍കുമാര്‍ 40365 വോട്ടുകള്‍ നേടി. എന്‍ഡിഎ സ്ഥാനാര്‍ത്ഥി എസ് സുരേഷ് 2753 വോട്ടുകളാണ് നേടിയത്.
അരൂര്‍ നിയമസഭാ മണ്ഡലത്തില്‍ നടന്ന ഉപതെരഞ്ഞെടുപ്പില്‍ യുഡിഎഫ് സ്ഥാനാര്‍ത്ഥി ഷാനിമോള്‍ ഉസ്മാന്‍ 1955 വോട്ടുകളുടെ ഭൂരിപക്ഷത്തിന് വിജയിച്ചു. 68851 വോട്ടുകളാണ് ഷാനിമോള്‍ ഉസ്മാന്‍ നേടിയത്. മണ്ഡലത്തിലെ എല്‍ഡിഎഫ് സ്ഥാനാര്‍ത്ഥി മനു സി പുളിക്കല്‍ 66896 വോട്ടുകളും എന്‍ഡിഎ സ്ഥാനാര്‍ത്ഥി കെ പ്രകാശ് ബാബു 16215 വോട്ടുകളും നേടി.
കോന്നിയില്‍ എല്‍ഡിഎഫ് സ്ഥാനാര്‍ത്ഥി കെ യു ജനീഷ് 9953 വോട്ടുകളുടെ ഭൂരിപക്ഷത്തിന് വിജയിച്ചു. 54099 വോട്ടുകളാണ് കെ യു ജനീഷ് നേടിയത്. മണ്ഡലത്തിലെ യുഡിഎഫ് സ്ഥാനാര്‍ത്ഥി പി മോഹന്‍ രാജ് 44146 വോട്ടുകളും എന്‍ഡിഎ സ്ഥാനാര്‍ത്ഥി കെ സുരേന്ദ്രന്‍ 39786 വോട്ടുകളും നേടി.
മഞ്ചേശ്വരത്ത് യുഡിഎഫ് സ്ഥാനാര്‍ത്ഥി എം സി കമറുദ്ദീന്‍ 7923 വോട്ടുകളുടെ ഭൂരിപക്ഷത്തിന് വിജയിച്ചു. 65407 വോട്ടുകളാണ് എം സി കമറുദ്ദീന്‍ നേടിയത്. മണ്ഡലത്തില്‍ എന്‍ഡിഎ ആണ് രണ്ടാം സ്ഥാനത്ത്. എന്‍ഡിഎ സ്ഥാനാര്‍ത്ഥി രവിശ തന്ത്രി 57484 വോട്ടുകള്‍ നേടി. അതേസമയം മഞ്ചേശ്വരം മണ്ഡലത്തിലെ എല്‍ഡിഎഫ് സ്ഥാനാര്‍ത്ഥി ശങ്കര്‍ റേ 38233 വോട്ടുകളാണ് നേടിയത്.
മഴ കാരണം വോട്ടിങ് ബുദ്ധിമുട്ടായ എറണാകുളം നിയമസഭാ മണ്ഡലത്തില്‍ യുഡിഎഫ് സ്ഥാനാര്‍ത്ഥി ടി ജെ വിനോദ് ജയിച്ചു. 3750 വോട്ടുകളുടെ ഭൂരിപക്ഷത്തിനാണ് ടി ജെ വിനോദിന്റെ വിജയം. 37891 വോട്ടുകളാണ് ടി ജെ വിനോദ് നേടിയത്. എറണാകുളം മണ്ഡലത്തില്‍ എല്‍ഡിഎഫ് സ്ഥാനാര്‍ത്ഥി മനു റോയ് 34141 വോട്ടുകളും എന്‍ഡിഎ സ്ഥാനാര്‍ത്ഥി സി ജി രാജഗോപാല്‍ 13351 വോട്ടുകളും നേടി.
