സിപിഐ മാവോയിസ്റ്റ് ലോക ഭീകര സംഘടനകളുടെ പട്ടികയില്‍
സിപിഐ മാവോയിസ്റ്റ് സംഘത്തെ ഭീകരപ്പട്ടികയില്‍ ഉള്‍പ്പെടുത്തി അമേരിക്ക. ലോകത്തെ മുഖ്യ ഭീകരസംഘടനകളില്‍ നാലാം സ്ഥാനമാണ് സിപിഐ മാവോയിസ്റ്റിന്. 2018ല്‍ 117 ആക്രമണങ്ങളിലായി 311 പേരെ മാവോയിസ്റ്റുകള്‍ കൊലപ്പെടുത്തിയിട്ടുണ്ടെന്നാണ് കണക്കുകള്‍. താലിബാന്‍, ഇസ്ലാമിക് സ്റ്റേറ്റ്, അല്‍ ഷബാബ്, ബോക്കോ ഹറം, കമ്യൂണിസ്റ്റ് പാര്‍ട്ടി ഓഫ് ഫിലിപ്പിന്‍സ് എന്നിവയാണ് പട്ടികയിലെ ആദ്യ അഞ്ച് സംഘടനകള്‍.
ഭീകരാക്രമണ ഭീഷണി നേരിടുന്ന രാജ്യങ്ങളില്‍ ഇന്ത്യയുടെ സ്ഥാനം നാലാമതാണ്. അഫ്ഗാനിസ്ഥാന്‍, സിറിയ, ഇറാഖ് എന്നിവയാണ് പട്ടികയിലെ ആദ്യ മൂന്ന് പേരുകള്‍. കഴിഞ്ഞ വര്‍ഷം ഇന്ത്യയില്‍ നടന്ന ആക്രമണങ്ങളില്‍ സിപിഐ മാവോയിസ്റ്റാണ് 26 ശതമാനം ആക്രമണങ്ങള്‍ക്ക് പിന്നില്‍. 9 ശതമാനം ആക്രമങ്ങള്‍ നടത്തിയത് ജെയ്ഷെ മുഹമ്മദാണ്. ബാക്കി 9 ശതമാനം ഹിസ്ബുല്‍ മുജാഹിദ്ദീനും, 8 ശതമാനം ലഷ്‌കര്‍-ഇ-തൊയ്ബയുമാണ് നടത്തിയത്.
