തോമസ് ആന്റണി യുടെ അകാല വിയോഗത്തില്‍ ഇന്ത്യ പ്രസ് ക്ലബ് ഓഫ് നോര്‍ത് ടെക്‌സാസ് അനുശോചിച്ചു
ഡാളസ്: മെട്രോ വാര്‍ത്തയില്‍ ആര്‍ട്ട് എഡിറ്ററും ദീപിക ദിനപ്പത്രത്തില്‍ സേവനമനുഷ്ടിക്കുകയും, ദീര്‍ഘകാലം കോട്ടയം പ്രസ്‌ക്ലബ് സെക്രട്ടറിയുമായിരുന്ന തോമസ് ആന്റണി(62) യുടെ അകാല വിയോഗത്തില്‍ ഇന്ത്യ പ്രസ് ക്ലബ് ഓഫ് നോര്‍ത് ടെക്‌സാസ് അനുശോചനം അറിയിച്ചു. ഞായറാഴ്ച പുലര്‍ച്ചെ നാലുമണിക്ക് കോട്ടക്കല്‍ വെച്ചായിരുന്നു അന്ത്യം.
പ്രശസ്ത കാരിക്കേച്ചറിസ്റ്റുംകേരള കാര്‍ട്ടൂണ്‍ അക്കാദമി സെക്രട്ടറിയുമായ തോമസ് ആന്റണി (62) യുടെ ദേഹവിയോഗം മൂലം പ്രഗല്‍ഭനായ ഒരു മാധ്യമ പ്രവര്‍ത്തകനെയാണ് നഷ്ടമായിരിക്കുന്നതെന്നും കുടുംബാംഗങ്ങളുടെ ദുഖത്തില്‍ പങ്കുചേരുന്നതായും ഐ പി സി എന്‍ റ്റി പ്രസിഡന്റ് സണ്ണി മാളിയേക്കല്‍ അറിയിച്ചു.