മംഗളുരുവില്‍ വിമാനത്താവളത്തില്‍ ഉപേക്ഷിക്കപ്പെട്ട ബാഗില്‍ ബോംബ്
മംഗളുരുവില്‍ വിമാനത്താവളത്തില്‍ ഉപേക്ഷിക്കപ്പെട്ട ബാഗില്‍ നിന്നും ബോംബ് കണ്ടെത്തി. ഇന്ന് പുലര്‍ച്ചയോടെയാണ് ദക്ഷിണ കന്നഡ ജില്ലയിലെ മംഗളൂരു എയര്‍പോര്‍ട്ടില്‍ സംശയാസ്പദമായ നിലയില്‍ ബാഗ് കണ്ടെത്തിയത്. വിശ്രമമുറിയുടെ അടുത്തായി ഉപേക്ഷിക്കപ്പെട്ട നിലയില്‍ കണ്ട ബാഗിലായിരുന്നു ബോംബ്. 10 kg സ്‌ഫോടന ശക്തിയുള്ള ബോംബാണ് കണ്ടെത്തിയത്.
ഓട്ടോയിലെത്തിയ ഒരാളാണ് ബാഗ് അവിടെ ഉപേക്ഷിച്ച് കടന്നതെന്നാണ് ദൃക്‌സാക്ഷികളെ ഉദ്ദരിച്ചുള്ള റിപ്പോര്‍ട്ടുകള്‍. ബോംബ് സ്‌ക്വാഡ് ഉടന്‍ തന്നെ സ്ഥലത്തെത്തി ബോംബ് നിര്‍വീര്യമാക്കാനുള്ള കണ്ടയ്‌നറിലാക്കി. ഉന്നത പൊലീസ് ഉദ്യോഗസ്ഥര്‍ സ്ഥലത്തെത്തി അന്വേഷണം ആരംഭിച്ചിട്ടുണ്ട്. സംഭവത്തിന്റെ പശ്ചാത്തലത്തില്‍ യാത്രക്കാരെ എയര്‍പോര്‍ട്ടില്‍ നിന്നും മാറ്റി. അതീവ ജാഗ്രതയിലാണ് മംഗളൂരൂ വിമാനത്താവളം .
