കൂടുതല്‍ ചിത്രങ്ങളില്‍ അഭിനയിക്കുന്നതിന്റെ കാരണം കോടികള്‍ സമ്പാദിക്കാന്‍ : സൂര്യ
താന്‍ കൂടുതല്‍ ചിത്രങ്ങളില്‍ അഭിനയിക്കുന്നതിന്റെ കാരണം കോടികള്‍ സമ്പാദിക്കാന്‍ ആണെന്നും കോടിക്കണക്കിന് രൂപ എന്തിന് വേണ്ടിയാണ് സസമ്പാദിക്കുന്നതെന്നും വെളിപ്പെടുത്തി തമിഴ് താരം സൂര്യ.കൂടുതല്‍ സിനിമകളില്‍ അഭിനയിക്കുന്നതും പണം സമ്പാദിക്കുന്നതും സമൂഹത്തിന് വേണ്ടിയും പാവപ്പെട്ടവര്‍ക്ക് വിദ്യാഭ്യാസം നല്‍കുന്നതിനും വേണ്ടിയാണെന്ന് സൂര്യ പറയുന്നു.
നടന്‍ സൂര്യ ഒരു അഭിനേതാവ് മാത്രമാല്ല ഒരു ജീവകാരുണ്യ പ്രവര്‍ത്തകന്‍ കൂടിയാണ്. സൂര്യയുടെ അഗരം ഫൗണ്ടേഷന്‍ നൂറുകണക്കിന് ദരിദ്ര വിദ്യാര്‍ത്ഥികളെയാണ് ഉന്നത വിദ്യാഭ്യാസം നേടുന്നതിന് വേണ്ടി സഹായിക്കുന്നത്. ഈയടുത്ത് അഗരം ഫൗണ്ടേഷന്റെ സഹായത്താല്‍ മികച്ച വിദ്യാഭ്യാസം നേടി കേരളത്തില്‍ ഇംഗ്ലീഷ് അദ്യാപികയായി പ്രവര്‍ത്തിക്കുന്ന ഗായത്രി സംസാരിക്കുന്ന വീഡിയോ സോഷ്യല്‍ മീഡിയയില്‍ വൈറലായിരുന്നു.
അതുപോലെ അഗരം ഫൗണ്ടേഷന്റെ പത്താം വാര്‍ഷിക ആഘോഷ ചടങ്ങില്‍ സൂര്യയുടെ പിതാവായ ശിവകുമാര്‍ പറഞ്ഞതും ശ്രദ്ധേയമായിരുന്നു. തന്റെ മകന്‍ നൂറു കണക്കിന് സിനിമകളില്‍ അഭിനയിക്കുകയും കോടിക്കണക്കിന് രൂപ സമ്പാദിക്കുകയും ചെയ്താലും യഥാര്‍ത്ഥ വ്യക്തിത്വം അഗരം ഫൗണ്ടേഷന്റെ സ്ഥാപകന്‍ എന്നായിരിക്കുമെന്നാണ് ശിവകുമാര്‍ പറഞ്ഞത്. അതുപോലെ തന്റെ ഇളയമകനായ കാര്‍ത്തി കാര്‍ഷിക വൃത്തിയെ പ്രോത്സാഹിപ്പിക്കുന്നതിലൂടെയായിരിക്കും അറിയപ്പെടാന്‍ പോകുന്നതെന്നും ശിവകുമാര്‍ പറഞ്ഞിരുന്നു.
