കാറുകള്‍ കൂട്ടിയിടിച്ച് പതിമൂന്ന് മരണം
കര്‍ണാടകയിലെ തുമകുരു ജില്ലയിലെ കുനിഗല്‍ താലൂക്കില്‍ നടന്ന കാറപകടത്തില്‍ കൈക്കുഞ്ഞുള്‍പ്പടെ ഉള്‍പ്പടെ 13 പേര്‍ മരിച്ചു. ബെംഗളൂരു- മംഗളൂരു ദേശീയ പാതയില്‍ വെള്ളിയാഴ്ച പുലര്‍ച്ചെ മൂന്നുമണിയോടെയാണ് അപകടമുണ്ടായത്.
അമിത വേഗത്തിലെത്തിയ ടവേര കാര്‍ എതിര്‍ദിശയില്‍ വരുകയായിരുന്ന ബ്രെസയില്‍ ഇടിച്ചുകയറുകയായിരുന്നുവെന്നാണ് വിവരം. മഞ്ജുനാഥ് (35), തനുജ (25), ഒമ്പത് മാസം പ്രായമുള്ള പെണ്‍കുട്ടി, ഗ ow രമ്മ (60), രത്നമ്മ (52), സുന്ദര്‍ രാജ് (48), രാജേന്ദ്ര (27), സരള (32) എന്നിവരാണ് മരിച്ചതെന്ന് പോലീസ് വ്യക്തമാക്കി.
ഇവരെ കൂടാതെ കാറിലെ യാത്രക്കാരായ ലക്ഷ്മികാന്ത് (24), സന്ദീപ് (36), മധു (28) എന്നിവരാണ് മരിച്ച മറ്റുള്ളവര്‍. മരിച്ചവരില്‍ 10പേര്‍ തമിഴ്‌നാട് സ്വദേശികളും രണ്ടു പേര്‍ കര്‍ണാടക സ്വദേശികളുമാണ്. നിയന്ത്രം വിട്ട കാര്‍ ഡിവൈഡറില്‍ തട്ടി എതിര്‍ വശത്ത് കൂടി പോകുകയായിരുന്ന ടാവേരയില്‍ ഇടിക്കുകയായിരുന്നു. പരിക്കേറ്റ മറ്റ് നാല് പേരെ ബെംഗളൂരുവിലെലെ നെലമംഗല താലൂക്കിലെ ആശുപത്രിയില്‍ ചികിത്സയിലാണ്. സംഭവത്തില്‍ അമൃതുര്‍ പോലീസ് കേസെടുത്ത് അന്വേഷണം ആരംഭിച്ചു.
