കൊച്ചി : ഇരുമ്പനം ബിപിസിഎല്ലില്‍ തീപിടുത്തം
കൊച്ചിയില്‍ ഇരുമ്പനം ബിപിസിഎല്ലില്‍ വന്‍ തീപിടുത്തം. സ്റ്റോറേജ് ടാങ്കിന് സമീപത്തെ പൈപ്പ് ലൈനിനാണ് തീപിടിച്ചത്. ഉച്ചയ്ക്ക് 3 മണിക്ക് ശേഷമായിരുന്നു സംഭവം. ബിപിസിഎല്‍ മാര്‍ക്കറ്റിംഗ് വിഭാഗത്തിന്റെ സ്റ്റോറേജ് ടാങ്കുകള്‍ ഇരിക്കുന്ന ഭാഗത്താണ് തീപിടുത്തമുണ്ടായത്. അതുകൊണ്ട് തന്നെ ഇത് കൂടുതല്‍ ആശങ്ക സൃഷ്ടിച്ചിരിക്കാന്‍ ഇടയുണ്ട്.
ആദ്യ ഘട്ടത്തില്‍ ബിപിസിഎല്ലിന്റെ രണ്ട് ഫയര്‍ഫോഴ്സ് യൂണിറ്റുകളാണ് സ്ഥലത്തുണ്ടായിരുന്നത്. പിന്നീട് തീ പടര്‍ന്നു പിടിച്ചതിനെ തുടര്‍ന്ന് കൂടുതല്‍ ഫയര്‍ ഫോഴ്സ് യൂണിറ്റുകള്‍ സ്ഥലത്തേക്ക് എത്തുകയായിരുന്നു. എട്ട് ഫയര്‍ ഫോഴ്സ് യൂണിറ്റുകള്‍ സ്ഥലത്തെത്തി തീ അണയ്ക്കാനുള്ള ശ്രമങ്ങള്‍ തുടരുകയാണ്.
