ഷാരൂഖും ദീപികയും ; നാഗ്പൂര്‍ പോലീസിന്റെ ട്വീറ്റ് തരംഗമാകുന്നു
ബോളിവുഡിലെ സൂപ്പര്‍ താരങ്ങളായ ഷാരൂഖ് ഖാനും ദീപികാ പാദുകോണും തകര്‍ത്തഭിനയിച്ച സിനിമയിലെ രംഗം ഉപയോഗിച്ച് ജനങ്ങളെ ബോധവല്‍ക്കരിക്കനുള്ള നാഗ്പൂര്‍ പോലീസിന്റെ ശ്രമം സോഷ്യല്‍ മീഡിയയില്‍ വൈറല്‍ ആയി. ചെന്നൈ എക്‌സ്പ്രസ് എന്ന ബോളിവുഡ് സിനിമയിലെ രംഗമാണ് നാഗ്പൂര്‍ പോലീസ് ട്വീറ്റില്‍ ഉപയോഗിച്ചത്.
കൊറോണ വൈറസിന്റെ സാമൂഹ്യ വ്യാപനം തടയുന്നതിനായി സാമൂഹിക അകലം പാലിക്കുക എന്നതാണ് ലോക്ക്‌ഡൌണ്‍ എന്നതിലൂടെ പ്രധാനമായും ലക്ഷ്യം വെയ്ക്കുന്നത്.
രാജ്യവ്യപകമായി ലോക്ക് ഡൌണ്‍ ലംഘിക്കുന്നവര്‍ക്കെതിരെ കര്‍ശന നടപടികളും പോലീസിന്റെ ഭാഗത്ത് നിന്ന് സ്വീകരിക്കുന്നുണ്ട്. മഹാരാഷ്ട്രയില്‍ കൊറോണ വൈറസ് വേഗത്തില്‍ പടര്‍ന്ന് പിടിക്കുകയുമാണ്.ഈ സാഹചര്യത്തില്‍ സര്‍ക്കാര്‍ ലോക്ക്‌ഡൌണ്‍ നിര്‍ദ്ദേശങ്ങള്‍ ജനങ്ങള്‍ കര്‍ശനമായി പാലിക്കണം എന്ന് ഉറപ്പ് വരുത്തണം എന്ന നിര്‍ദേശം പോലീസ് ഉദ്യോഗസ്ഥര്‍ക്ക് നല്‍കിയിരിക്കുകയാണ്.
വീട്ടില്‍ ഇരിക്കുന്നതിനും സാമൂഹിക അകലം പാലിക്കുന്നതിനും സര്‍ക്കാര്‍,പോലീസ്,ആരോഗ്യവകുപ്പ്,സന്നദ്ധ സംഘടനകള്‍ എന്നിവയൊക്കെ മാധ്യമങ്ങള്‍,സാമൂഹ്യ മാധ്യമങ്ങള്‍ എന്നിവയിലൂടെ പരസ്യങ്ങള്‍ നല്‍കുന്നുണ്ട്.ഈ സാഹചര്യത്തിലാണ് നാഗ്പൂര്‍ പോലീസിന്റെ ട്വീറ്റ് ശ്രദ്ധേയമാകുന്നത്.
Don’t underestimate the power of Social Distancing!#NagpurPolice pic.twitter.com/AmFGYcAE0C
— Nagpur City Police (@NagpurPolice) April 5, 2020
