ലോക്ക്ഡൗണിനു ശേഷമുള്ള സര്‍വീസ് ; അന്തിമതീരുമാനം ആയിട്ടില്ല എന്ന് റെയില്‍വേ
രാജ്യത്ത് ലോക്ക്ഡൗണിനു ശേഷം ട്രയിന്‍ സര്‍വിസുകള്‍ പുനരാരംഭിക്കുന്നത് സംബന്ധിച്ച് അന്തിമതീരുമാനം ആയിട്ടില്ല എന്ന് ഇന്ത്യന്‍ റെയില്‍വേ.ലോക്ക്ഡൗണിനു ശേഷമുള്ള യാത്രക്കാരുടെ പ്രോട്ടോകോള്‍ എന്ന രീതിയില്‍ ചില റിപ്പോര്‍ട്ടുകള്‍ സോഷ്യല്‍ മീഡിയയില്‍ പ്രചരിച്ചിരുന്നു.
എന്നാല്‍ ചില പ്രത്യേക തിയതികളില്‍ സര്‍വീസുകള്‍ പുനരാരംഭിക്കുന്ന ട്രെയിനുകളുടെ എണ്ണവും റിപ്പോര്‍ട്ടുകളില്‍ പരാമര്‍ശിച്ചിട്ടുണ്ടെന്നും എന്നാല്‍ ഇക്കാര്യത്തില്‍ അന്തിമതീരുമാനം കൈക്കൊണ്ടിട്ടില്ലെന്നും ബന്ധപ്പെട്ടവര്‍ അറിയിച്ചു.
മേല്പറഞ്ഞ കാര്യങ്ങളില്‍ അവസാന തീരുമാനം ഇനിയും കൈകൊണ്ടിട്ടില്ല. അതുകൊണ്ടു തന്നെ അനവസരത്തില്‍ ഈ വിഷയങ്ങളില്‍ നല്‍കുന്ന ചില റിപ്പോര്‍ട്ടുകള്‍ ജനങ്ങളുടെ ഇടയില്‍ ഊഹാപോഹങ്ങള്‍ക്ക് കാരണമാകും. ഈ സാഹചര്യത്തില്‍ അത്തരം റിപ്പോര്‍ട്ടുകള്‍ വരാതെ നോക്കണമെന്നും റെയില്‍വേ അധികൃതര്‍ വ്യക്തമാക്കി.
