ഏപ്രില്‍ 20ന് ശേഷം അവശ്യ മേഖലകള്‍ക്ക് ഇളവ് : രണ്ടാംഘട്ട ലോക്ക്ഡൗണ്‍ മാര്‍ഗനിര്‍ദേശങ്ങള്‍ പുറത്തു വിട്ടു കേന്ദ്രം
കൊറോണ വ്യാപനം തടയാന്‍ രണ്ടാം ഘട്ട ലോക്ക്‌ഡൌണ്‍ പ്രഖ്യാപിച്ചതിന് പിന്നാലെ പുതിയ മാര്‍ഗനിര്‍ദേശങ്ങള്‍ പുറത്തിറക്കി കേന്ദ്ര ആഭ്യന്തര മന്ത്രാലയം. പൊതുഗതാഗതത്തിന് നിലവില്‍ ഉള്ള വിലക്ക് തുടരും. സ4ക്കാ4 ഓഫീസുകളും ആരാധനാലയങ്ങളും വിദ്യാഭ്യാസ സ്ഥാപനങ്ങളും അടഞ്ഞു തന്നെ കിടക്കും. കാ4ഷിക മേഖലയടക്കമുള്ള അവശ്യ മേഖലകള്‍ക്ക് ഏപ്രില്‍ 20ന് ശേഷം ഇളവ് ലഭിക്കും. മാ4ഗ നി4ദേശത്തില്‍ മാറ്റം വരുത്തരുതെന്ന് സംസ്ഥാനങ്ങള്‍ക്കും ക4ശന നി4ദേശം നല്‍കിയിട്ടുണ്ട്.
നേരത്തെയുള്ള നിയന്ത്രണങ്ങളും ചരക്ക് ഗതാഗതത്തിനും അവശ്യ മേഖലക്കും നല്‍കിയിരുന്ന ഇളവുകളും മെയ് മൂന്ന് വരെ അതേപടി തുടരുമെന്ന് കേന്ദ്ര ആഭ്യന്തര മന്ത്രാലയം പുറത്തിറക്കിയ പുതുക്കിയ മാ4ഗനി4ദേശം വ്യക്തമാക്കുന്നു. എന്നാല്‍ കോവിഡ് ഹോട്‌സ്‌പോടുകളല്ലാത്ത സ്ഥലങ്ങളില്‍ ഏപ്രില്‍ 20ന് ശേഷം കൂടുതല്‍ ഇളവുകള്‍ പ്രഖ്യാപിച്ചിട്ടുണ്ട്. കാ4ഷിക മേഖലക്കാണ് പ്രധാന ഇളവ്. അതേസമയം കോവിഡ് ഹോട്ട്‌സ്‌പോട്ട് മേഖലകളില്‍ ഒരു ഇളവും അനുവദിക്കില്ല.
വിലക്ക് ഉള്ളവ :
1. സര്‍ക്കാര്‍ ഓഫീസുകള്‍ അടഞ്ഞ് കിടക്കും
2. പൊതുഗതാഗതത്തിനുള്ള വിലക്ക് തുടരും
3. വ്യവസായശാലകള്‍ അടച്ചിടണം
4. വിദ്യാഭ്യാസ സ്ഥാപനങ്ങള്‍ തുറക്കരുത്
5. ആരാധനാലയങ്ങള്‍ തുറക്കരുത്
6. അവശ്യസാധനങ്ങള്‍ വില്‍ക്കുന്ന സ്ഥാപനങ്ങള്‍ തുറക്കാം
7. ചരക്ക് ഗതാഗതം ഉറപ്പാക്കണം
8. പൊതുസ്ഥലങ്ങളില്‍ മാസ്‌ക് നിര്‍ബന്ധം
9. നിയന്ത്രണങ്ങള്‍ ലംഘിക്കുന്നവര്‍ക്കെതിരെ കര്‍ശന നടപടി
10. കല്യാണം, മരണാനന്തര ചടങ്ങുകള്‍ക്ക് നിയന്ത്രണം
11. തിയറ്റര്‍, ബാര്‍, ഷോപ്പിങ് മാളുകള്‍, പാര്‍ക്കുകള്‍ തുറക്കരുത്
ഏപ്രില്‍ 20ന് ശേഷമുള്ള ഇളവുകള്‍ :
1. കാര്‍ഷികവൃത്തിക്ക് തടസ്സമില്ല, കാര്‍ഷിക ഉല്‍പന്നങ്ങളുടെ സംഭരണം, വിതരണം ആകാം
2. ചന്തകള്‍ തുറക്കാം
3. കാര്‍ഷിക ഉപകരണങ്ങള്‍ ലഭിക്കുന്ന കടകളും സ്‌പെയര്‍ പാര്‍ട്‌സ് കടകളും തുറക്കാം
4. വളം, വിത്ത്, കീടനാശിനി കടകള്‍ തുറക്കാം
5. വിതക്കാനും കൊയ്യാനുമുള്ള യന്ത്രങ്ങളുടെ ഗതാഗതത്തിന് തടസ്സമുണ്ടാകില്ല
6. സമുദ്ര മത്സ്യബന്ധനവും ഉള്‍നാടന്‍ മത്സ്യബന്ധനവും നടത്താം
7. മത്സ്യക്കച്ചവടത്തിന് ഇളവ്
8. കാപ്പി, തേയില, റബര്‍ പ്ലാന്റേഷനുകള്‍ 50% തൊഴിലാളികളെ വെച്ച് പ്രവര്‍ത്തിപ്പിക്കാം
9. പാലിന്റെയും പാല്‍ ഉല്‍പ്പന്നങ്ങളുടെയും സംഭരണം, സംസ്‌കരണം, വിതരണം ആവാം
10. കോഴിഫാം തുറന്നുപ്രവര്‍ത്തിക്കാം
11 സാമൂഹിക അകലം പാലിച്ച് തൊഴിലുറപ്പ് പദ്ധതി നടപ്പാക്കാം
