സംസ്ഥാനത്ത് ഇന്ന് 75 പേര്‍ക്ക് കൊവിഡ് ; രോഗമുക്തി നേടിയത് 90 പേര്‍
ഇന്ന് കൊവിഡ് സ്ഥിരീകരിച്ചത് 75 പേര്‍ക്ക്. ഇതില്‍ 53 പേര്‍ വിദേശത്ത് നിന്നും 19 പേര്‍ ഇതര സംസ്ഥാനങ്ങളില്‍ നിന്നുമെത്തിയവരാണ്. സമ്പര്‍ക്കം വഴി 3 പേര്‍ക്കും രോഗം ബാധിച്ചു. അതേസമയം 90 പേര്‍ രോഗമുക്തി നേടി.
ഇന്ന് രോഗം സ്ഥിരീകരിച്ചവരില്‍ പതിനാല് പേര്‍ കൊല്ലം ജില്ലക്കാരാണ്. മലപ്പുറത്ത് 11 പേര്‍ക്കും കാസര്‍ഗോഡ് 9 പേര്‍ക്കും രോഗം സ്ഥിരീകരിച്ചു. തൃശൂര്‍ 8, പാലക്കാട് 6, കോഴിക്കോട് 6, എറണാകുളം 5, തിരുവനന്തപുരം 3, കോട്ടയം 4, കണ്ണൂര്‍ 4, വയനാട് 3, പത്തനംതിട്ട 1, ആലപ്പുഴ 1 എന്നിങ്ങനെയാണ് മറ്റ് ജില്ലാ കണക്ക്.
സംസ്ഥാനത്ത് ഇതുവരെ കോവിഡ് ബാധിച്ച് 20 പേര്‍ മരണമടഞ്ഞെന്നും, വിദേശരാജ്യങ്ങളില്‍ ഇന്നലെ വരെ 277 മലയാളികള്‍ രോഗം ബാധിച്ച് മരിച്ചു.
ഡല്‍ഹി, മുംബൈ, ചെന്നൈ തുടങ്ങിയ പ്രധാന നഗരങ്ങളില്‍ മലയാളികള്‍ കോവിഡ് ബാധിച്ച് മരണമടയുന്ന വാര്‍ത്തകള്‍ വരുന്നുണ്ട്. ഇന്ന് ഡല്‍ഹിയില്‍ ഒരു മലയാളി നഴ്സ് മരണമടഞ്ഞു. ഇതെല്ലാം നല്‍കുന്ന സൂചന നാം നേരിടുന്ന അവസ്ഥ അതിഗുരുതരമാണ് എന്നാണ്. അതിനാല്‍ തന്നെ, ഈ രോഗം കൂടുതല്‍ പേരിലേക്ക് പകരുന്നത് ഒഴിവാക്കാന്‍ സാധ്യമായ എല്ലാ നടപടികളും സ്വീകരിക്കേണ്ട ഘട്ടമാണിതെന്നും മുഖ്യമന്ത്രി പറഞ്ഞു.
