സിനിമയില്‍ 28 വര്‍ഷം ; ആരാധകരോട് നന്ദി പറഞ്ഞ് കിംഗ് ഖാന്‍
ഇന്ത്യന്‍ സിനിമയിലെ കിംഗ് ഖാന്‍ ആയ ഷാരൂഖ് ഖാന്‍ എന്ന തന്റെ സിനിമാ ലോകത്തെ ജൈത്ര യാത്ര തുടങ്ങിയിട്ട് 28 വര്‍ഷം തികഞ്ഞു. 1980 കളില്‍ ടി വി സീരിയലുകളില്‍ അഭിനയിച്ചു തുടങ്ങിയ ഷാരൂഖ് 1992 ല്‍ ഇറങ്ങിയ ദീവാന എന്ന ചിത്രത്തോടെ ബിഗ് സ്‌ക്രീനിലേക്ക് ചേക്കേറുകയും തുടര്‍ന്ന് ലോകമെമ്പാടുമുള്ള കോടിക്കണക്കിനു മനുഷ്യ ഹൃദയത്തിലേക്ക് കൂടുകൂട്ടുകയുമായിരുന്നു.
സിനിമാജീവിതത്തില്‍ 28 വര്‍ഷം തികഞ്ഞതിന്റെ സന്തോഷം താരം ആരാധകരുമായി പങ്കുവച്ചു. ഇന്‍സ്റ്റാഗ്രാമില്‍ പങ്കുവച്ച കുറിപ്പ് സോഷ്യല്‍ മീഡിയയില്‍ ഇതിനകം തന്നെ വൈറലായിക്കഴിഞ്ഞു. ഈ അവസരത്തില്‍ ആരാധകര്‍ക്കും പിന്നെ തന്റെ പ്രിയപത്‌നി ഗൗരി ഖാനും ഷാരൂഖ് നന്ദി പറഞ്ഞു.
‘എങ്ങിനെയാണ് എന്റെ അഭിനിവേശം എന്റെ ആവശ്യമായും പിന്നീട് തൊഴിലായും മാറിയതെന്ന് അറിയില്ല. ഇത്രയധികം വര്‍ഷങ്ങള്‍ നിങ്ങളെ ആനന്ദിപ്പിക്കാന്‍ അനുവദിച്ചതിന് നന്ദി. ഞാന്‍ വിശ്വസിക്കുന്നു, ഐന്റ പ്രഫഷണലിസത്തെക്കാളധികം ഐന്റ അഭിനിവേശം കാരണം ഇനിയും കുറേ വര്‍ഷങ്ങള്‍ ഞാന്‍ നിങ്ങള്‍ക്കൊപ്പമുണ്ടാകും. 28 വര്‍ഷം പൂര്‍ത്തിയായി, അത് തുടരുന്നു…’- ഷാരൂഖ്(Shah Rukh Khan) എഴുതി. പോസ്റ്റിനൊപ്പം നല്‍കിയിരിക്കുന്ന ഫോട്ടോ പകര്‍ത്തിയ ഭാര്യ ഗൗരിക്കും ഷാരൂഖ് നന്ദി പറയുന്നുണ്ട്.
