സുരക്ഷാ ആശങ്ക ഉയര്‍ത്തി ഗൂഗിള്‍ക്രോമും ; എക്സ്റ്റന്‍ഷനുകള്‍ ഇന്‍സ്റ്റാള്‍ ചെയ്യുബോള്‍ ശ്രദ്ധവേണമെന്ന് മുന്നറിയിപ്പ്
ഗൂഗിള്‍ ക്രോം എക്സ്റ്റന്‍ഷനുകള്‍ ഇന്‍സ്റ്റാള്‍ ചെയ്യുമ്പോള്‍ അതീവ ശ്രദ്ധപുലര്‍ത്തണമെന്ന മുന്നറിയിപ്പുമായി സൈബര്‍ സെക്യൂരിറ്റി ഏജന്‍സി. ഉപഭോക്താക്കള്‍ക്ക് അപകടകരമായ 100 ലിങ്കുകള്‍ നീക്കം ചെയ്തതിന് പിന്നാലെയാണ് കമ്പനി മുന്നറിയിപ്പ് നല്‍കിയിരിക്കുന്നത്. ഇത്തരം എക്സ്റ്റന്‍ഷനുകള്‍ക്ക് സക്രീന്‍ഷോട്ട് എടുക്കാനും ക്ലിപ്ബോര്‍ഡ് വായിക്കാനും പാസ്വേര്‍ഡ് ശേഖരിക്കാനുമൊക്കെ സാധിക്കുമെന്നു കമ്പനി പറയുന്നു.
വെബ് സ്റ്റോര്‍ സുരക്ഷാ സ്‌കാനുകളെ മറികടക്കുന്നതിനുള്ള കോഡ് ഈ എക്സറ്റന്‍ഷനുകളില്‍ ഉണ്ടെന്നാണ് ദേശീയ സാങ്കേതിക വിഭാഗമായ കമ്പ്യൂട്ടര്‍ എമര്‍ജന്‍സി റെസ്‌പോണ്‍സ് ടീം (സിഇആര്‍ടി-ഇന്‍) ന്റെ അറിയിപ്പ്. ഉപയോക്താക്കളുടെ സ്വകാര്യ വിവരങ്ങള്‍ശേഖരിക്കുന്നതായി കണ്ടെത്തിയ 106 എക്സ്റ്റന്‍ഷനുകള്‍ ക്രോം വെബ് സ്റ്റോറില്‍ നിന്ന് ഗൂഗിള്‍ നീക്കംചെയ്തതായി റിപ്പോര്‍ട്ടുകളുണ്ട്.
