സെക്‌സ് റാക്കറ്റ് നടത്തിപ്പുകാരിയായ ‘പൗഡര്‍ ക്വീന്‍’ അറസ്റ്റില്‍
ബ്രസീലിലെ ലഹരിമരുന്ന് വിതരണക്കാരിയും വന്‍കിട സെക്‌സ് റാക്കറ്റ് നടത്തിപ്പുകാരിയുമായ ‘പൗഡര്‍ ക്വീന്‍’ എന്നറിയപ്പെടുന്ന ഫ്‌ലാവിയ തമായോ അറസ്റ്റില്‍. ലോക പ്രശസ്ത മാഗസീന്‍ ആയ പ്ലേബോയ് മാഗസീനിന്റെ മുന്‍ കവര്‍ ഗേളായിരുന്നു ഫ്‌ലാവിയ. ബ്രസീലിലെ വിറ്റോറിയയില്‍ നിന്നുമാണ് ഈ 22കാരിയെ പോലീസ് അറസ്റ്റ് ചെയ്തത്. സ്ത്രീകള്‍ മാത്രമടങ്ങിയ ലഹരിമരുന്ന്-സെക്‌സ് റാക്കറ്റ് സംഘത്തിന്റെ നടത്തിപ്പുകാരിയാണ് ഫ്‌ലാവിയ.
VIP ഇടപാടുകാര്‍ക്ക് കൊക്കയ്ന്‍, ഹാഷിഷ് തുടങ്ങിയ ലഹരി മരുന്നുകളും പെണ്‍ക്കുട്ടികളെയും എത്തിക്കുന്നത് ഈ സംഘമാണ്. വേശ്യാവൃത്തിയിലൂടെ ഈ രംഗത്ത് ചുവടുറപ്പിച്ച ഫ്‌ലാവിയ VIP ഇടപാടുകാര്‍ക്ക് ലഹരിമരുന്ന് എത്തിച്ചു നല്‍കി. ഇതിനിടെ കൂടുതല്‍ സ്ത്രീകളെ ഉള്‍പ്പെടുത്തി സ്വന്തമായി ഒരു സംഘം രൂപീകരിച്ചു.
പിന്നീട്, ഇവരിലൂടെ ലഹരിക്കച്ചവടം വിപുലീകരിച്ചു. ഇതിനിടെയാണ് പ്ലേബോയുടെ കവര്‍ഗേളായത്. അറസ്റ്റ് ചെയ്യാനെത്തിയ പോലീസുകാര്‍ക്ക് നേരെ ചീറിയടുത്ത ഫ്‌ലാവിയ അറസ്റ്റ് തടസ്സപ്പെടുത്താനും ശ്രമിച്ചു. ഇതിനിടെ വസ്ത്രങ്ങള്‍ ഊരിയെറിയാനും അവര്‍ ശ്രമിച്ചു. പിന്നീട് ബലംപ്രയോഗിച്ച് കൈകളില്‍ വിലങ്ങണിയിക്കുകയും അറസ്റ്റ് രേഖപ്പെടുത്തുകയുമായിരുന്നു.
