ബ്‌ളാക്ക് പാന്തറിലെ നായകന്‍ ചാഡ്വിക്ക് ബോസ്മാന്‍ അന്തരിച്ചു
പി.പി.ചെറിയാന്‍
ലോസ് ആഞ്ചലസ്: സുപ്രസിദ്ധ ഹോളിവുഡ് താരവും ബ്‌ളാക്ക് പാന്തറിലെ നായകനുമായിരുന്ന ചാഡ് വിക്ക് ബോസ്മാന്‍ അന്തരിച്ചതായി ആഗസ്റ്റ് 29 വെള്ളിയാഴ്ച ബോഡ് മാന്റെ ട്വിറ്റര്‍ അക്കൗണ്ടില്‍ പറയുന്നു.
നാലു വര്‍ഷമായി കോളന്‍ അര്‍ബുദ രോഗത്തോടു പടപൊരുതിയ ശേഷമാണ് ചാഡ് വിക്ക് മരണത്തിന് കീഴടങ്ങിയത്. ഭാര്യയും കുടുംബാംഗങ്ങളും സമീപത്തു നില്‍ക്കെ ശാന്തമായാണ് അദ്ദേഹം മരണത്തെ അഭിമുഖീകരിച്ചത്.
2016-ല്‍ പുറത്തിറങ്ങിയ ക്യാപ്റ്റന്‍ അമേരിക്ക സിവില്‍ വാറിലൂടെയാണ് ചാഡ് വിക്ക് ബ്‌ളാക്ക് പാന്തറായി ആദ്യം വേഷമിടുന്നത്. 2018 – ല്‍ ബ്‌ളാക്ക് പാന്തര്‍ മുഴുനീള ചിത്രമായി മാറി. കാന്‍സര്‍ രോഗബാധിതനായി കീമൊ തെറപ്പിയും റേഡിയേഷനും ഓപ്പറേഷനും വിധേയനായി ക്കൊണ്ടിരുന്ന അവസാന 4 വര്‍ഷമാണ് ചാഡ് വിക്കിന്റെ ശ്രദ്ധേയമായ ചിത്രങ്ങള്‍ പുറത്തിറങ്ങിയത്.
മാര്‍ഷല്‍ , അവഞ്ചേഴ്‌സ് , ഇന്‍ഫിനിറ്റി വാര്‍, തുടങ്ങിയ ചിത്രങ്ങളും ബ്‌ളാക്ക് പാന്തറായി അപാര അഭിനയമാണ് കാഴ്ചവച്ചത്. ബ്‌ളാക്ക് പ പാന്തറിനു മുമ്പ് 2008 മുതല്‍ നിരവധി സിനിമകളില്‍ അഭിനയിച്ച ചാഡ് വി ക്ക് 2013-ലെ 42 എന്ന സിനിമയിലൂടെയാണ് ഹോളിവുഡില്‍ ശ്രദ്ധേയനാകുന്നത്
സൗത്ത് കരോളിനായില്‍ ജനിച്ചു ഹൊവാര്‍ഡ് യൂണിവേഴ്‌സിറ്റിയില്‍ നിന്നും ബിരുദം നേടി. പിന്നീട് സിനിമാ രംഗത്തേയ്ക്ക് കടന്നുവന്നു.
ഏറ്റവും നല്ല സൂപ്പര്‍ ഹിറോ ചിത്രമെന്ന നിലയില്‍ ബ്‌ളാക്ക് പാന്തറിനാണ് ഓസ്‌കര്‍ നോമിനേഷന്‍ ലഭിച്ചത്.
സുപ്രസിദ്ധ ഗായിക ടെയ്‌ലര്‍ സിമോന്‍ ലെഡ്വാര്‍ഡ് ആണ് ചാഡ് വിക്കിന്റെ സഹധര്‍മ്മിണി. ചാഡ് വിക്കിന്റെ മരണം ഹോളിവുഡിന് തീരാ നഷ്ടമാണ് … വൈസ് പ്രസിഡന്റ് സ്ഥാനാര്‍ത്ഥി കമലാ ഹാരിസ് അനശ്വര നടന്റെ വിയോഗത്തില്‍ അനുശോചനമറിയിച്ച് ട്വിറ്ററില്‍ കുറിച്ചു.