ഷെല്ലാക്രമണം ; അതിര്‍ത്തിയില്‍ മലയാളി ജവാന് വീരമൃത്യു
അതിര്‍ത്തിയിലുണ്ടായ പാക് ഷെല്ലാക്രമണത്തില്‍ മലയാളി ജവാന് വീരമൃത്യു. കശ്മീരിലെ രജൗരി സുന്ദര്‍ബെനിയില്‍ നടന്ന ഷെല്ലാക്രമണത്തില്‍ കൊല്ലം അഞ്ചല്‍ സ്വദേശി അനീഷ് തോമസാണ് വീരമൃത്യു വരിച്ചത്.
ഈ മാസം 25 ന് അനീഷ് നാട്ടിലേക്ക് വരാനിരുന്നതായിരുന്നു അനീഷ്. ഇന്നലെ ഉച്ചയോടെയാണ് പാക് സൈഡില്‍ നിന്നും അതിര്‍ത്തിയിലെ ഇന്ത്യന്‍ പോസ്റ്റിലേക്ക് വെടിവെപ്പ് നടന്നത്. ഇന്നലെ പുറത്തുവിട്ട വിവരം അനുസരിച്ച് ഒരു മേജര്‍ക്കും മൂന്ന് സൈനികര്‍ക്കും പരിക്കേറ്റുവെന്നായിരുന്നു. ഇതിലൊരാളായിരുന്നു വീരമൃത്യു വരിച്ച അനീഷും. മറ്റുള്ളവരുടെ ചികിത്സ നടക്കുന്നുവെന്നാണ് വിവരം. അനീഷ് തോമസിന്റെ മരണത്തില്‍ മുഖ്യമന്ത്രി പിണറായി വിജയന്‍ അനുശോചനം അറിയിച്ചു.
