തിരുവനന്തപുരം മെഡിക്കല്‍ കോളജില്‍ വീണ്ടും ആത്മഹത്യ ; മരിച്ചത് കൊവിഡ് മുക്തനായ യുവാവ്
തിരുവനന്തപുരം മെഡിക്കല്‍ കോളജില്‍ വീണ്ടും ആത്മഹത്യ. കൊവിഡ് മുക്തനായ യുവാവാണ് ആത്മഹത്യ ചെയ്തത്. കഴക്കൂട്ടം സ്വദേശി ബിജി (38) ആണ് മരിച്ചത്. കൊവിഡ് വാര്‍ഡിലെ ശുചി മുറിയിലാണ് ഇദ്ദേഹം തൂങ്ങി മരിക്കാന്‍ ശ്രമിച്ചത്.
കൊവിഡ് മുക്തന്‍ ആയതിനെ തുടര്‍ന്ന് ഡിസ് ചാര്‍ജ് അടക്കമുള്ള നടപടി ക്രമങ്ങളിലേക്ക് കടക്കുന്നതിനിടെയായിരുന്നു ആത്മഹത്യാ ശ്രമം. വീട്ടിലേക്ക് പോകും മുന്‍പ് അധികൃതരോട് ശുചിമുറിയില്‍ പോയി വരാം എന്ന് പറഞ്ഞ യുവാവിനെ ഏറെ നേരം കഴിഞ്ഞും കാണാതിരുന്നതിനെ തുടര്‍ന്നുള്ള അന്വേഷണത്തിലാണ് യുവാവ് ശുചിമുറിയില്‍ ആത്മഹത്യാ ശ്രമം നടത്തിയത് ശ്രദ്ധയില്‍പെട്ടത്. ഉടന്‍ തീവ്ര പരിചരണ വിഭാഗത്തിലേക്ക് മാറ്റി എങ്കിലും മരിക്കുകയായിരുന്നു. കൊറോണ രോഗ ബാധിതരുടെ ആത്മഹത്യ തിരുവനന്തപുരം മെഡിക്കല്‍കോളേജിലെ ഒരു നിത്യ സംഭവം ആയി മാറിക്കഴിഞ്ഞു.
