സെന്റ് ജോര്‍ജ് ഓര്‍ത്തഡോക്‌സ് കത്തീഡ്രല്‍ ‘ഗ്ലോറിയ-2020’ ഓണ്‍ ലൈനില്‍
അബുദാബി: സെന്റ് ജോര്‍ജ് ഓര്‍ത്ത ഡോക്‌സ് കത്തീഡ്രല്‍ സംഘടിപ്പിക്കുന്ന ‘ഗ്ലോറിയ-2020’ ഒക്ടോബര്‍ 26 തിങ്കളാഴ്ച വൈകുന്നേരം ഇന്ത്യന്‍ സമയം 8:45 (യു. എ. ഇ. സമയം 7 :15) മുതല്‍ തുടക്കമാവും. ‘സര്‍വ്വ ലോകത്തിനും സൗഖ്യവും യു. എ. ഇ. ക്ക് അനുഗ്രഹവും’ എന്ന ആപ്ത വാക്യ ത്തെ അടിസ്ഥാനമാക്കി രണ്ടു മാസം നീണ്ടു നില്‍ക്കുന്ന പ്രാര്‍ത്ഥനാ യജ്ഞമാണ് ‘ഗ്ലോറിയ-2020’ ലൂടെ ലക്ഷ്യം വെക്കുന്നത്.
പ്രവാസികളുടെ പോറ്റമ്മ യായ ഈ നാടിനെ ആകുലതകളുടെ കാലത്ത് പുതിയ കര്‍മ്മ വീഥി കളിലൂടെ നെഞ്ചോട് ചേര്‍ത്തു പിടിച്ചു സര്‍വ്വചരാചരങ്ങള്‍ക്കും വേണ്ടി പ്രാര്‍ത്ഥിക്കുകയും ചെയ്യുക എന്ന ഉല്‍കൃഷ്ടമായ ആശയമാണ് അബുദാബി സെന്റ് ജോര്‍ജ് ഓര്‍ത്തഡോക്‌സ് കത്തീ ഡ്രല്‍ ‘ഗ്ലോറിയ-2020’ എന്ന പരിപാടി യിലൂടെ മുന്നോട്ടു വെക്കുന്നത്.
അര നൂറ്റാണ്ടില്‍ അധികമായി അബുദാബിയുടെ മണ്ണില്‍ സ്ഥിതി ചെയ്യുന്ന സെന്റ് ജോര്‍ജ് ഓര്‍ത്ത ഡോക്‌സ് കത്തീഡ്രലില്‍ പതിറ്റാണ്ടുകളായി നടത്തി വരുന്ന ‘കൊയ്ത്തുത്സവം’ ഗ്ലോറിയ-2020 യുടെ ഭാഗമായി വെര്‍ച്വലായി നടത്തും എന്നു കത്തീഡ്രല്‍ ഭാരവാഹികള്‍ അറിയിച്ചു.
‘ആദ്യഫല സമര്‍പ്പണവും കൃതജ്ഞതാ സ്‌തോത്രാര്‍പ്പണവും’ എന്ന ആശയത്തിന്റെ അടിസ്ഥാന ത്തില്‍ ഓണ്‍ ലൈനില്‍ ക്രമീകരിക്കുന്ന ഗ്ലോറിയ- 2020, ഡിസംബര്‍ 25 വരെ നീണ്ടു നില്‍ക്കുന്ന വിവിധ പരിപാടികളെ ഉള്‍ക്കൊള്ളി ച്ചു കൊണ്ട് നടത്തുവാനാണ് തീരുമാനിച്ചിരിക്കുന്നത്.
യു. എ. ഇ. യിലെ പ്രമുഖ സംരംഭകനും ലുലു ഇന്റര്‍ നാഷണല്‍ എക്‌സ്‌ചേഞ്ച് എം. ഡി. യുമായ അദീബ് അഹമ്മദ് ഉദ്ഘാടനം നിര്‍വ്വഹിക്കുന്ന ഗ്ലോറിയ- 2020 യില്‍ അഭിവന്ദ്യ മെത്രാപ്പോലീത്ത മാര്‍, മുന്‍ മുഖ്യമന്ത്രി ഉമ്മന്‍ചാണ്ടി, ശശി തരൂര്‍ എം. പി., വീണ ജോര്‍ജ് എം. എല്‍. എ. , ഫാദര്‍ ഡേവിസ് ചിറമേല്‍, സമൂഹത്തില്‍ വ്യക്തിമുദ്ര പതിപ്പിച്ച ഐ. എ. എസ്. – ഐ. പി. എസ്. ഉദ്യോഗ സ്ഥര്‍ അടക്കമുള്ള ശ്രേഷ്ഠ വ്യക്തിത്വങ്ങള്‍, യു. എ. ഇ. യിലെ യിലെ സാമൂഹിക രംഗത്തെ പ്രമുഖ വ്യക്തികളും വിവിധ പരിപാടികളുടെ ഭാഗമാവും.
കഠിനമായ പരീക്ഷണങ്ങളിലൂടെ ലോകം കടന്നു പോകുന്ന ഈ നാളുകളില്‍ സര്‍വ്വ ലോകത്തിനു വേണ്ടിയും പ്രത്യേകിച്ച് നാം അധിവസിക്കുന്ന ഈ ദേശത്തിനു വേണ്ടിയും പ്രാര്‍ത്ഥിച്ചു കൊണ്ട് ഈ വര്‍ഷത്തെ ‘കൊയ്ത്തുത്സവം’ നടത്തുവാന്‍ സാധിക്കുന്നത് വളരെ പ്രതീക്ഷയോടെ കൂടി യാണ് കാണുന്നത് എന്ന് ഇടവക വികാരി ഫാദര്‍ ബെന്നി മാത്യു പറഞ്ഞു.
ഗ്ലോറിയ-2020 യുടെ ക്രമീകരണങ്ങള്‍ക്ക് കത്തീഡ്രല്‍ ട്രസ്റ്റി നൈനാന്‍ തോമസ് പണിക്കര്‍, സെക്രട്ടറി ജോണ്‍സണ്‍ കാട്ടൂര്‍, ജോയിന്റ് ട്രസ്റ്റി സജി തോമസ്, ജോയിന്റ് സെക്രട്ടറി ജോബി ജോര്‍ജ്, മാനേജിംഗ് കമ്മിറ്റി അംഗങ്ങള്‍ എന്നി വര്‍ നേതൃത്വം നല്‍കുന്നു. പ്രോഗ്രാമുകള്‍ സെന്റ് ജോര്‍ജ് ഓര്‍ത്ത ഡോക്‌സ് കത്തീഡ്രല്‍ ഫേയ്‌സ് ബുക്ക് പേജിലൂടെ കാണുവാന്‍ സാധിക്കും.
https://www.facebook.com/adsgoc
Gloria 2020 : https://www.facebook.com/events/346897303081946/