സിനിമാ നടിയെ നിര്‍മാതാവ് നടുറോഡില്‍ കുത്തിവീഴ്ത്തി
ബോളിവുഡ് നടി മാല്‍വി മല്‍ഹോത്രയെയാണ് സിനിമാ നിര്‍മ്മാതാവ് കുത്തിപ്പരിക്കേല്‍പ്പിച്ചത്. ആക്രമണത്തില്‍ വയറിനും കൈകള്‍ക്കും കുത്തേറ്റ നടിയെ മുംബൈയിലെ കോകിലാബെന്‍ ധീരുംബായ് അംബാനി ആശുപത്രിയില്‍ പ്രവേശിപ്പിച്ചു. സംഭവത്തില്‍ നടിയുടെ സുഹൃത്തും യുവ നിര്‍മ്മാതാവും കൂടിയായ യോഗേശ്വര്‍ കുമാര്‍ മഹിപാല്‍ സിങ് എന്നയാള്‍ക്കു വേണ്ടി പൊലീസ് തിരച്ചില്‍ ശക്തമാക്കി.
മുംബൈയിലെ കഫേയില്‍ നിന്നും തിങ്കളാഴ്ച രാത്രി ഒമ്പത് മണിയോടെ വീട്ടിലേക്ക് മടങ്ങുകയായിരുന്നു ആക്രമണം. നടിയുടെ കാര്‍ തടഞ്ഞു നിര്‍ത്തിയാണ് ഇയാള്‍ ആക്രമിച്ചത്. ഒരു വര്‍ഷത്തോളമായി ഇരുവരും സുഹൃത്തുക്കളായിരുന്നു. വിവാഹാഭ്യര്‍ഥന നടി യോഗേഷുമായുള്ള സൗഹൃദം നടി അടുത്തിടെ ഉപേക്ഷിച്ചിരുന്നു. നടി സഞ്ചരിച്ചിരുന്ന കാര്‍ തടഞ്ഞ പ്രതി തന്നോട് എന്താണ് സംസാരിക്കാത്തതെന്നും ചോദിച്ച് മാല്‍വിയെ സമീപിക്കുകയും കയ്യില്‍ കരുതിയിരുന്ന കത്തിയെടുത്ത് കുത്തുകയായിരുന്നുവെന്നും പൊലീസ് പറയുന്നു.
