ഹോളിവുഡില്‍ അരങ്ങേറ്റത്തിനു തയ്യാറായി ഋത്വിക് റോഷന്
ഹോളിവുഡില്‍ തന്റെ അരങ്ങേറ്റം കുറിക്കുവാന്‍ തയ്യാറായി ബോളിവുഡ് സൂപ്പര്‍ താരം ഋത്വിക് റോഷന്. മള്‍ട്ടി മില്യണ്‍ ബജറ്റില്‍ നിര്‍മിക്കുന്ന ഒരു സ്‌പൈ ത്രില്ലറില്‍ നായകതുല്യ കഥാപാത്രാമായിട്ടാണ് ഋതിക് ഹോളിവുഡില്‍ എത്തുക. കഥാപാത്രത്തിന് അനുയോജ്യരായ അഭിനേതാക്കളെ കണ്ടെത്താന്‍ അണിയറ പ്രവര്‍ത്തകര്‍ ഓഡിഷന്‍ നടത്തിയിരുന്നു. അങ്ങനെ നടന്ന ഓഡിഷനിലൂടെയാണ് ഋത്വിക് റോഷന് ഹോളിവുഡിലേക്ക് ക്ഷണമൊരുങ്ങിയത്.
‘സിനിമയിലെ കഥാപാത്രത്തെയും രംഗങ്ങളെയും സംബന്ധിച്ച് അണിയറപ്രവര്‍ത്തകര്‍ പറഞ്ഞിരുന്നു. അതിനനുസരിച്ചുളള ചില രംഗങ്ങള്‍ ഓഡിഷനുവേണ്ടി അവര്‍ക്ക് അയച്ചു നല്‍കുകയായിരുന്നു. സിനിമയുമായി ബന്ധപ്പെട്ട ചര്‍ച്ചകള്‍ പുരോഗമിക്കുകയാണ്. എല്ലാം ശരിയായാല്‍ കരിയറിലെ ആദ്യ ഹോളിവുഡ് സിനിമയിലേയ്ക്ക് കാല്‍വെക്കും’ ഋത്വിക് റോഷനെ ഉദ്ധരിച്ച് ‘മിഡ് ?ഡേയ്’ റിപ്പോര്‍ട്ട് ചെയ്തു. നിലവില്‍ ‘ക്രിഷ് 4’ ന്റെ തിരക്കിലാണ് താരം. അത് പൂര്‍ത്തിയായതിന് ശേഷമായിരിക്കും ഹോളിവുഡിലെ ആദ്യ സിനിമയിലേക്ക് കടക്കുക. വാര്‍ എന്ന സിനിമയാണ് ഋതിക് അവസാനമായി അഭിനയിച്ചു റിലീസ് ആയത്.
