മലപ്പുറത്ത് സിപിഐ സിപിഎം സംഘര്‍ഷം ; ഒരാള്‍ക്ക് ഗുരുതര പരിക്ക്
മലപ്പുറത്ത് വെളിയംകോട് കോതമുക്കില്‍ ആണ് സംഘര്‍ഷം ഉണ്ടായത്. കൊടി തോരണങ്ങള്‍ സ്ഥാപിച്ചതുമായി ബന്ധപ്പെട്ട തര്‍ക്കമാണ് സംഘര്‍ഷത്തില്‍ കലാശിച്ചത്. സംഘടിച്ചു എത്തിയ സിപിഐഎം-സിപിഐ പ്രവര്‍ത്തകര്‍ തമ്മില്‍ വാക്കേറ്റം ഉണ്ടാവുകയും പിന്നീട് അത് കയ്യാങ്കളിയിലേയ്ക്ക് മാറുകയായിരുന്നു. സംഘര്‍ഷത്തില്‍ ഒരാള്‍ക്ക് ഗുരുതര പരുക്കേറ്റു.
എഐടിയുസി പഞ്ചായത്ത് സെക്രട്ടറി സി കെ ബാലനാണ് പരുക്കേറ്റത്. ഇയാളെ കുന്നംകുളത്തെ സ്വകാര്യ ആശുപത്രിയില്‍ പ്രവേശിപ്പിച്ചു. ആക്രമണത്തിന് പിന്നില്‍ സിപിഐഎം എന്ന് സിപിഐ നേതൃത്വം ആരോപിച്ചു. പ്രദേശത്ത് കൊടി തോരണങ്ങള്‍ കെട്ടുന്നതുമായി ബന്ധപ്പെട്ട് സിപിഐഎം- സിപിഐ തര്‍ക്കം നിലനിന്നിരുന്നു. സ്ഥലത്ത് പോലീസ് ക്യാമ്പ് ചെയ്യുകയാണ് ഇപ്പോള്‍.
