ട്രക്കും കാറും കൂട്ടിയിടിച്ച് 14 മരണം ; മരിച്ചവരില്‍ 6 കുട്ടികള്‍
ഉത്തര്‍പ്രദേശില്‍ പ്രയാഗ് രാജ്-ലഖ്നൗ ദേശീയ പാതയില്‍ ഇന്നലെ അര്‍ദ്ധരാത്രിയോടെയാണ് അപകടം നടന്നത്. മരിച്ച 14 പേരില്‍ 6 പേര്‍ കുട്ടികളാണ്. നബാബ്ഗഞ്ചില്‍ വിവാഹത്തില്‍ പങ്കെടുത്ത ശേഷം മടങ്ങിയവരാണ് അപകടത്തില്‍ പെട്ടത്. പതിനാല് പേരും തല്‍ക്ഷണം സംഭവ സ്ഥലത്ത് തന്നെ മരിച്ചു.
മരിച്ചവരുടെ മൃതദേഹം പോസ്റ്റുമോര്‍ട്ടത്തിനായി അയച്ചു. ഉന്നത പൊലീസ് ഉദ്യോഗസ്ഥര്‍ അടക്കം സംഭവസ്ഥലത്ത് എത്തിയിരുന്നു. ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ് സംഭവത്തില്‍ അനുശോചനം അറിയിച്ചു. മണികപൂര്‍ പൊലീസ് സ്റ്റേഷന്‍ പരിധിയിലാണ് അപകടം നടന്നത്.
