അബുദാബിയില്‍ വാഹനാപകടത്തില്‍ രണ്ട് മലയാളികള്‍ മരിച്ചു
കാറും ട്രക്കും കൂട്ടിയിടിച്ചുണ്ടായ വാഹനാപകടത്തില്‍ രണ്ട് മലയാളികള്‍ മരിച്ചു. മരിച്ച രണ്ടുപേരും കണ്ണൂര്‍ സ്വദേശികളാണ്. കണ്ണൂര്‍ പിണറായി സ്വദേശി റഫിനീദ് റഹീം (29), അഞ്ചരക്കണ്ടി സ്വദേശി റാശിദ് കാസിം (28) എന്നിവരാണ് മരിച്ചത്. അല്‍ഐന്‍ – അബൂദബി റോഡില്‍ ഇവര്‍ സഞ്ചരിച്ച കാര്‍ ട്രക്കില്‍ ഇടിച്ചാണ് അപകടം നടന്നത്. മൃതദേഹങ്ങള്‍ അബുദബി ബനിയാസ് മോര്‍ച്ചറിയിലേക്ക് മാറ്റി.
