റിസര്‍വ് ചെയ്യുന്നവര്‍ക്കെല്ലാം ടിക്കറ്റ് ; പുതിയ പദ്ധതിയുമായി ഇന്ത്യന്‍ റെയില്‍വേ
റിസര്‍വ് ചെയ്യുന്ന എല്ലാവര്‍ക്കും കണ്‍ഫേം ടിക്കറ്റ് നല്‍കുന്ന പുതിയ പദ്ധതിയുമായി ഇന്ത്യന്‍ റയില്‍വേ. നാഷണല്‍ റെയില്‍ പ്ലാന്‍ 2030 എന്ന പേരില്‍ മെഗാ പ്ലാനിന് രൂപം നല്‍കാനാണ് റെയില്‍വേ പദ്ധതിയിടുന്നത്. ഇക്കാര്യത്തില്‍ യാത്രക്കാരുടെയും ഈ രംഗത്തെ വിദഗ്ദ്ധരുടെയും അഭിപ്രായ നിര്‍ദേശങ്ങള്‍ ശേഖരിച്ചശേഷം പദ്ധതി നടപ്പാക്കാനാണ് റെയില്‍വേ തീരുമാനിച്ചിരിക്കുന്നത്. റിസര്‍വേഷന്‍ ടിക്കറ്റിനായി അപേക്ഷിക്കുന്ന എല്ലാവര്‍ക്കും ടിക്കറ്റ് ഉറപ്പാക്കുക എന്നതാണ് പരിഷ്‌കരണത്തിലെ ഏറ്റവും വലിയ സവിശേഷത. വെയ്റ്റിങ് ലിസ്റ്റ് സമ്പ്രദായം ഒഴിവാക്കുകയാണ് ഇതിലൂടെ റെയില്‍വേ ഉദ്ദേശിക്കുന്നത്. ഇതിന് പുറമേ അടിസ്ഥാന സൗകര്യങ്ങള്‍ മെച്ചപ്പെടുത്തി വരുമാനം ഉയര്‍ത്താനും പദ്ധതിയിലൂടെ റെയില്‍വേ ലക്ഷ്യമിടുന്നു.
ഇന്ത്യന്‍ റെയില്‍വേ ഒരു ദേശീയ റെയില്‍ പദ്ധതി 2030 തയ്യാറാക്കുന്നു, ഇത് പൊതു കണ്‍സള്‍ട്ടേഷനുകള്‍ക്കും ബന്ധപ്പെട്ടവരുടേയും വിവിധ മന്ത്രാലയങ്ങളുടേയും നിര്‍ദേശം കൂടി ലഭ്യമാക്കാന്‍ കരട് പദ്ധതി തയ്യാറാകും. വെയിറ്റ് ലിസ്റ്റ് ടിക്കറ്റുകള്‍ ഉണ്ടാകില്ലെന്ന് ഇത് സൂചിപ്പിക്കുന്നു. ഓരോ യാത്രക്കാര്‍ക്കും സ്ഥിരീകരിച്ച റെയില്‍ ടിക്കറ്റുകള്‍ നല്‍കാനാണ് എന്‍ആര്‍പി 2030 ലക്ഷ്യമിടുന്നത്. എന്‍ആര്‍പി 2030 നടപ്പാക്കുന്നത് ചരക്ക് കയറ്റവും വരുമാനവും വര്‍ദ്ധിപ്പിക്കാന്‍ റെയില്‍വേയെ നയിക്കും. രാജ്യത്തെ മൊത്തം ചരക്ക് നീക്കത്തിന്റെ 47 ശതമാനവും റെയില്‍വേ വഴി ആക്കാന്‍ പദ്ധതി ലക്ഷ്യമിടുന്നത്. 2030 ഓടെ 4 ഡെഡിക്കേറ്റഡ് ഫ്രൈറ്റ് കോറിഡോര്‍ കൂടി നിര്‍മ്മിക്കാന്‍ റെയില്‍വേ പദ്ധതിയിടുന്നു.
