തൃശൂര്‍ കുതിരാനില്‍ ആറ് വാഹനങ്ങള്‍ കൂട്ടിയിടിച്ച് അപകടം ; മൂന്നു പേര്‍ മരിച്ചു
തൃശൂരിലെ കുതിരാനില്‍ ആറ് വാഹനങ്ങള്‍ കൂട്ടിയിടിച്ച് ഉണ്ടായ അപകടത്തില്‍ 3 പേര്‍ മരണമടഞ്ഞു. നിയന്ത്രണം വിട്ട ചരക്ക് ലോറി മറ്റു വാഹനങ്ങളില്‍ വന്നിടിക്കുകയായിരുന്നു. അപകടത്തെ തുടര്‍ന്ന് ദേശീയപാതയില്‍ ഗതാഗതം സ്തംഭിച്ചു. നിയന്ത്രണം വിട്ട ചരക്ക്ലോറി കാറുകളിലും ബൈക്കുകളിലും മിനിലോറിയിലും വന്നിടിക്കുകയായിരുന്നു. പരിക്കേറ്റ എല്ലാവരെയും ഉടനെതന്നെ ആശുപത്രിയിലെത്തിക്കുകയായിരുന്നു.
സ്‌കൂട്ടറിലുണ്ടായിരുന്ന രണ്ടുപേരും കാറിലുണ്ടായിരുന്ന ഒരാളും ഉള്‍പ്പെടെ മൂന്നുപേരാണ് മരണമടഞ്ഞത്. മൂന്നുപേര്‍ ആശുപത്രിയിലാണ്. കാറില്‍ കൂടുങ്ങിക്കിടന്ന ഒരു യാത്രക്കാരനെ പുറത്തെടുത്തിട്ടുണ്ട്. ഒരു യാത്രക്കാരന്‍ കാറില്‍ കുടുങ്ങിക്കിടക്കുകയാണ്. സ്ഥലത്ത് രക്ഷാപ്രവര്‍ത്തനം തുടരുകയാണ്. അപകടത്തെ തുടര്‍ന്ന് ദേശീയപാതയില്‍ ഗതാഗതം തടസപ്പെട്ടു. റോഡില്‍ നല്ല തിരക്ക് ഉണ്ടായിരുന്ന സമയമാണ് അപകടം ഉണ്ടായത്.
