ലോറി നിയന്ത്രണം വിട്ട് വീടിനുള്ളിലേക്ക് ഇടിച്ചു കയറി; വീട് തകര്‍ന്നു, ഡ്രൈവര്‍ക്ക് പരിക്ക്
മേലുകാവില്‍ നിയന്ത്രണം വിട്ട ടോറസ് ലോറി വീട്ടിലേക്ക് ഇടിച്ചു കയറി ഉണ്ടായ അപകടത്തില്‍ വീട് പൂര്‍ണമായും തകര്‍ന്നു. അതേസമയം, വീട്ടുകാര്‍ അദ്ഭുതകരമായി രക്ഷപ്പെട്ടു. മേലുകാവ് കാഞ്ഞിരം കവലയ്ക്ക് സമീപമാണ് സംഭവം നടന്നത്. കരിങ്കല്ല് കയറ്റി വന്ന ടോറസ് ലോറി നിയന്ത്രണം വിട്ട് വീട്ടിലേക്ക് ഇടിച്ചു കയറുകയായിരുന്നു.
കൊച്ചോലിമാക്കല്‍ മേഴ്സി ജെയിംസിന്റെ വീട്ടിലേക്കാണ് ലോറി ഇടിച്ചു കയറിയത്. അപകടത്തില്‍ വീട് തകര്‍ന്നെങ്കിലും വീട്ടുകാര്‍ അദ്ഭുതകരമായി രക്ഷപ്പെട്ടു.കാര്‍ പോര്‍ച്ചില്‍ ഉണ്ടായിരുന്ന രണ്ട് ബൈക്കുകളും അപകടത്തില്‍ പൂര്‍ണ്ണമായും തകര്‍ന്നു . ലോറി ഓടിച്ചിരുന്ന ഡ്രൈവര്‍ക്ക് സാരമായ പരിക്കു പറ്റിയിട്ടുണ്ട്. വേറെ ആര്‍ക്കും പരിക്കുകള്‍ ഒന്നുമില്ല.
