എറണാകുളത്ത് പാറമടയില്‍ കന്യാസ്ത്രീയെ മരിച്ച നിലയില്‍ കണ്ടെത്തി
എറണാകുളം വാഴക്കാലയില്‍ കന്യാസ്ത്രീയെ പാറമടയില്‍ മരിച്ച നിലയില്‍. സിസ്റ്റര്‍ ജസീന തോമസിനെയാണ് (45) മരിച്ച നിലയില്‍ കണ്ടെത്തിയത്. മഠത്തിന് സമീപത്തുള്ള പാറമടയിലാണ് മൃതദേഹം കണ്ടെത്തിയത്. ഇന്ന് രാവിലെ മുതല്‍ കാണാനില്ലായിരുന്നു.കഴിഞ്ഞ മൂന്നു വര്‍ഷമായി കുസുമഗിരി ആശുപത്രിയിലായിരുന്നു ജോലി. രാവിലെ മുതല്‍ ജസീനയെ കാണാതായിരുന്നു. ഇക്കാര്യം മഠം അധികൃതര്‍ പൊലീസില്‍ അറിയിച്ചു. പിന്നീടുള്ള തിരച്ചിലിലാണ് മഠത്തിന് പുറകിലെ പാറമടയില്‍ മരിച്ചു കിടക്കുന്നതായി കണ്ടത്.
സിസ്റ്ററിന് 2011 മുതല്‍ മാനസികാസ്വാസ്ഥ്യമുണ്ടെന്നും, അതിനുള്ള ചികിത്സയിലായിരുന്നുവെന്നും മഠം അധികൃതര്‍ പറയുന്നു. പൊലീസ് സ്ഥലത്തെത്തി ഇന്‍ക്വസ്റ്റ് നടപടികള്‍ പൂര്‍ത്തിയാക്കിയശേഷം മൃതദേഹം പോസ്റ്റുമോര്‍ട്ടത്തിനായി മാറ്റി. സംഭവത്തില്‍ പൊലീസ് കേസെടുത്ത് അന്വേഷണം തുടങ്ങിയിട്ടുണ്ട്.
