എറണാകുളത്ത് സാമൂഹ്യ വിരുദ്ധര്‍ സിനിമ ഷൂട്ടിംഗ് സെറ്റ് തീവെച്ചു നശിപ്പിച്ചു
എറണാകുളത്ത് സിനിമ ഷൂട്ടിംഗ് സെറ്റ് തീവെച്ചു നശിപ്പിച്ചു. യുവസിനിമാ പ്രവര്‍ത്തകരുടെ സെറ്റാണ് തീവെച്ച് നശിപ്പിച്ചത്. എറണാകുളം കടമറ്റത്ത് വെച്ചാണ് സംഭവം. ‘മരണവീട്ടിലെ തൂണ്‍’ എന്ന സിനിമയുടെ സെറ്റാണ് നശിപ്പിക്കപ്പെട്ടത്. എല്‍ദോ ജോര്‍ജ് ആണ് സിനിമയുടെ സംവിധായകന്‍. അങ്കമാലി ഡയറീസ് ഫ്രെയിം ഡിറ്റോ ആണ് സിനിമയിലെ നായക കഥാപാത്രത്തെ അവതരിപ്പിക്കുന്നത്.
അടുത്ത വര്‍ഷത്തെ iffk ലക്ഷ്യമാക്കി തയ്യറായി കൊണ്ടിരുന്ന കലാമൂല്യമുള്ള ഒരു സിനിമയുടെ പിന്നണിയില്‍ ആയിരുന്നു ഇവര്‍. സാമ്പത്തിക ഞെരുക്കം കാരണം ഷൂട്ടിങ് നിര്‍ത്തി വെച്ചിരിക്കുകയായിരുന്നു. തുടര്‍ന്ന് തിങ്കളാഴ്ച മുതല്‍ ഷൂട്ടിങ് ആരംഭിക്കാന്‍ ഇരിക്കെയാണ് ഈ സംഭവം. സംഭവത്തില്‍ പുത്തന്‍കുരിശ് പൊലീസ് കേസെടുത്തു.
