ഏറ്റവും വെറുക്കപ്പെടുന്ന പാര്‍ട്ടി ബിജെപി : മാതൃഭൂമി-സീ സര്‍വ്വേ ഫലം
മാതൃഭൂമി ന്യൂസ് – സീ വോട്ടര്‍ സര്‍വ്വേയില്‍ ഏറ്റവ്വും വെറുക്കപ്പെട്ട പാര്‍ട്ടിയേത് എന്ന ഒരു ചോദ്യത്തിന് ഉത്തരം ബിജെപി. 34.3 % പേര്‍ വെറുക്കുന്ന രാഷ്ട്രീയ പാര്‍ട്ടി ബിജെപിയാകുമ്പോള്‍ രണ്ടാം സ്ഥാനത് സിപിഎം 11.8 % പേര്‍ വെറുക്കുന്നു. മൂന്നാമത് മുസ്ലിം ലീഗും 9.1 %, നാലാമത് കോണ്‍ഗ്രസ് 8 %.
സര്‍വ്വേ ചര്‍ച്ച പുരോഗമിക്കവേ തന്നെ ‘വെറുക്കപ്പെടുന്ന പാര്‍ട്ടി’ എന്നത് തിരുത്തി ‘സ്വീകാര്യത കുറഞ്ഞ പാര്‍ട്ടി’ എന്ന തിരുത്തിയതായി മാതൃഭൂമി ന്യൂസ് ചീഫ് എഡിറ്റര്‍ ഉണ്ണിബാലകൃഷ്ണന്‍ പ്രേക്ഷകരെയും പാലിനെയും അറിയിക്കുകയുണ്ടായി. എന്നാല്‍ ചര്‍ച്ചയില്‍ പങ്കെടുത്ത ബിജെപി പ്രതിനിധി പി.ആര്‍.ശിവശങ്കര്‍ ബിജെപിയുടെ പ്രതിഷേധം അറിയിച്ചു കൊണ്ട് ഇറങ്ങിപ്പോയി. പാര്‍ട്ടിയെ അവഹേളിച്ചതിനാല്‍ ചര്‍ച്ചയില്‍ പങ്കെടുക്കാതെ ഇറങ്ങി പോകണം എന്ന് സംസ്ഥാന ജനറല്‍ സെക്രെട്ടറി ജോര്‍ജ് കുര്യന്‍ അറിയിച്ചതിനാല്‍ ചര്‍ച്ച ബഹിഷ്‌കരിക്കുന്നു എന്നാണു ശിവശങ്കര്‍ പറഞ്ഞത്.
