പുല്‍വാമയില്‍ സൈന്യവും ഭീകരരും തമ്മില്‍ ഏറ്റുമുട്ടല്‍ ; മൂന്ന് ഭീകരര്‍ കൊല്ലപ്പെട്ടു
ജമ്മു കശ്മീരിലെ പുല്‍വാമയില്‍ സൈന്യവും ഭീകരരും തമ്മില്‍ ഉണ്ടായ ഏറ്റുമുട്ടലില്‍ മൂന്ന് ഭീകരര്‍ കൊല്ലപ്പെട്ടു. രണ്ട് നാട്ടുകാര്‍ക്ക് പരുക്കേറ്റു. രഹസ്യവിവരത്തെ തുടര്‍ന്ന് പുലര്‍ച്ചെ കാഖാപോറയില്‍ സുരക്ഷാ സേന നടത്തിയ തെരച്ചിലിനെ തുടര്‍ന്നാണ് ഏറ്റുമുട്ടലുണ്ടായത്. നൗകാമില്‍ ബിജെപി നേതാവ് അന്‍വര്‍ ഖാന്റെ വീടാക്രമിച്ച സംഭവത്തില്‍ പങ്കുള്ളവരാണ് കൊല്ലപ്പെട്ടതെന്ന് പൊലീസ് പറഞ്ഞു. മേഖലയില്‍ കനത്ത ജാഗ്രതയാണ് ഇപ്പോള്‍.
