യുവന്റസ് കേരളത്തിലേക്ക് ; ഫുട്ബോളിന്റെ മുഖച്ഛായ മാറും
ലോക ഫുട്ബോളിലെ അതികായരായ ഇറ്റാലിയന്‍ ക്ലബ് യുവന്റസ് എഫ്സി കേരളത്തില്‍ അക്കാദമി ആരംഭിക്കുന്നു. തിരുവനന്തപുരം, കോട്ടയം, കൊച്ചി എന്നിവിടങ്ങളിലാണ് അക്കാദമികള്‍ തുടങ്ങുന്നത്. ‘യുവന്റസ് അക്കാദമി കേരള’ എന്നാകും പേര്. ഏതെങ്കിലും ഫുട്ബോള് ക്ലബുമായി സഹകരിച്ചല്ല യുവന്റസ് ഇന്ത്യയിലെത്തുന്നത്. ആഗോള തലത്തില്‍ അക്കാദമികള്‍ വിപുലമാക്കുക എന്ന ലക്ഷ്യത്തോടെയാണ് ഇറ്റാലിയന്‍ ക്ലബിന്റെ വരവ്. നിലവില്‍ നൂറിലേറെ നഗരങ്ങളില്‍ ക്ലബ് അക്കാദമി നടത്തുന്നുണ്ട്. ഏഷ്യയില്‍ ചൈന, തായ്ലാന്‍ഡ്, ജപ്പാന്‍ എന്നീ രാഷ്ട്രങ്ങളില്‍ ക്ലബിന്റെ അക്കാദമി പ്രവര്‍ത്തിക്കുന്നുണ്ട്.
നിലവില്‍ വന്നാല്‍ കേരള ഫുട്ബോളിന്റെ മുഖച്ഛായ മാറ്റിമറിക്കുന്നതാകും ഈ അക്കാദമികള്‍ എന്ന് പ്രതീക്ഷിക്കപ്പെടുന്നു. ഇറ്റലിയിലെ ടൂറിന്‍ ആസ്ഥാനമായി, 1897 നവംബര്‍ ഒന്നിന് സ്ഥാപിക്കപ്പെട്ട ഫുട്ബോള് ക്ലബാണ് യുവന്റസ് എഫ്സി. ലോകത്തെ അതിസമ്പന്ന ക്ലബുകളിലൊന്നു കൂടിയാണ് യുവെ. ക്രിസ്റ്റ്യാനോ റൊണോള്‍ഡോയുടെ ക്ലബ് എന്ന നിലയില്‍ കേരള ഫുട്ബോള് ആരാധകര്‍ക്ക് പരിചിതമാണ് യുവന്റസ്.
