നമ്മളെ കാത്തിരിക്കുന്നത്; പലസ്തീന്‍ – ഇസ്രായേല്‍ പ്രശ്നത്തിന്റെ വെളിച്ചത്തില്‍: ജിതിന്‍ ജേക്കബ് എഴുതുന്നു…

പലസ്തീന്‍ തീവ്രവാദി ആക്രമണത്തില്‍ സ്വന്തം ജനത കൊല്ലപ്പെട്ടിട്ടും, ആയിരങ്ങള്‍ തീവ്രവാദികളുടെ ആക്രമണം ഭയന്ന് ഭൂഗര്‍ഭ ബങ്കറുകളില്‍ കഴിയുമ്പോഴും തീവ്രവാദികള്‍ക്ക് വേണ്ടി ഇവിടെ ജയ് വിളികളാണ്.

ഇസ്രായേലില്‍ ജോലി ചെയ്യുന്ന ഒരു സുഹൃത്ത് ‘ടെല്‍ അവീവില്‍ ഷെല്‍ ആക്രമണം തുടരുന്നു, പ്രാര്‍ത്ഥിക്കണം’ എന്ന ഒരു പോസ്റ്റ് ഇട്ടതിന് താഴെ ഈ പുരോഗമന നവോത്ഥാന സംസ്ഥാനത്തെ സമാധാനക്കാര്‍ വന്ന് സ്‌മൈലികള്‍ ഇട്ട് ആഹ്‌ളാദപ്രകടനം നടത്തുന്നു. അതില്‍ ഒരു ആഹ്‌ളാദ കമന്റ് ഇട്ടിരിക്കുന്നത് ഒരു ‘മതേതര’ മാധ്യമ പ്രവര്‍ത്തകയാണ്!

സത്യത്തില്‍ ഇതിലൊന്നും അത്ഭുതം ഒന്നുമില്ല. നാളെ ഇന്ത്യ ഒരാക്രമണം നേരിടുമ്പോഴും സംഭവിക്കുക ഇതൊക്കെ തന്നെയാണ്. ഇന്ത്യയാണ് പലസ്തീന്‍ ലിബറേഷന്‍ ഓര്‍ഗനൈസേഷനെ അംഗീകരിച്ച ആദ്യ നോണ്‍ അറബ് രാഷ്ട്രം (1974). പലസ്തീന്‍ രാഷ്ട്രത്തെ അംഗീകരിച്ച ആദ്യ രാജ്യങ്ങളില്‍ ഒന്നാണ് ഇന്ത്യ (1988). ഗാസയില്‍ ഇന്ത്യ 1996 ല്‍ ഒരു റെപ്രെസെന്ററ്റീവ് ഓഫീസും തുടങ്ങി.

പലസ്തീനിലെ ഒരു NGO ക്ക് ഒബ്‌സര്‍വര്‍ പദവി ഐക്യരാഷ്ട്ര സമിതിയില്‍ നല്‍കുന്നത് ഒഴിച്ചാല്‍ ഇക്കാലമത്രയും ഇന്ത്യ എന്നും നിലയുറപ്പിച്ചത് പലസ്തീനൊപ്പം ആയിരുന്നു. രസകരമായ കാര്യം മത തീവ്രവാദികളുടെ നിരന്തര ആക്രമണം നേരിടുന്ന ഇന്ത്യ പലസ്തീനിലെ ഹമാസ് എന്ന ഭീകര സംഘടനക്കെതിരെ അമേരിക്ക കൊണ്ടുവന്ന പ്രമേയത്തില്‍ നിന്ന് വിട്ടുനിന്നു എന്നതാണ്.

ഇതേ പലസ്തീന്‍ തീവ്രവാദി സംഘടനയാണ് കാശ്മീരി തീവ്രവാദികള്‍ക്കും പിന്തുണ നല്‍കുന്നത് എന്നത് പരസ്യമായിട്ടു കൂടി ഇന്ത്യ പലസ്തീന് അനുകൂലമായി നിന്നതില്‍ അന്താരാഷ്ട്ര നിരീക്ഷകരും, വിദേശ മാധ്യമങ്ങളും അത്ഭുതപ്പെട്ടു. അത് കൂടാതെ പലസ്തീന് ഇന്ത്യ നല്‍കുന്ന സാമ്പത്തീക സഹായങ്ങള്‍ക്ക് കയ്യും കണക്കും ഇല്ല. ആശുപത്രി നിര്‍മാണം, സ്‌കൂള്‍, കോളേജ് നിര്‍മാണം, അടിസ്ഥാന സൗകര്യ വികസന സഹായം എന്നിങ്ങനെ നിരവധി സഹായങ്ങള്‍ ഇന്ത്യ നല്‍കിവരുന്നു. മുന്‍ രാഷ്ട്രപതി പ്രണബ് മുഖര്‍ജി 2015 ല്‍ പലസ്തീന്‍ സന്ദര്‍ശിച്ചപ്പോള്‍ ഇന്ത്യ പാലസ്തീന് സഹായമായി വാദ്ഗാനം ചെയ്തത ചില പദ്ധതികള്‍ ഇവയൊക്കെയാണ്:- Techno Park in Ramallah ($12 million), Palestine Institute of Diplomacy ($4.5 million), and India-Palestine Centre of Excellence in ICT in Gaza ($1 million).

ഇനി തിരിച്ച് പലസ്തീന്‍ ഇന്ത്യക്ക് എന്ത് നല്‍കി എന്ന് നോക്കാം. പാകിസ്താനിലെ പലസ്തീന്‍ അംബാസിഡര്‍ ഹഫീസ് സായിദ് എന്ന ഇന്ത്യ അന്വേഷിക്കുന്ന ഏറ്റവും വലിയ ഭീകരന്‍ റാവല്പിണ്ടിയില്‍ നടത്തിയ റാലിയില്‍ പങ്കെടുത്തു. അത് കാശ്മീരി തീവ്രവാദികള്‍ക്ക് നല്‍കിയ ഊര്‍ജ്ജം ചെറുതല്ല. കശ്മീരുമായി ബന്ധപ്പെട്ട എല്ലാ പ്രമേയങ്ങളിലും പലസ്തീന്‍ പാകിസ്താന്റെ പക്ഷത്ത് ആയിരുന്നു. ഇന്ത്യ പ്രതിസന്ധിയിലായപ്പോഴെല്ലാം അവര്‍ ഇന്ത്യക്കെതിരെ ആണ് നിലകൊണ്ടിട്ടുള്ളത്. ചുരുക്കം പറഞ്ഞാല്‍ നമ്മള്‍ ഇന്ത്യക്കാരുടെ നികുതിപ്പണം പലസ്തീന് കൊടുക്കുകയും ചെയ്യുന്നു, അവര്‍ അപ്പുറത്ത് പാകിസ്താനൊപ്പം കൂടി നമുക്ക് പണിയും തരുന്നു.

അതേസമയം 1950 ല്‍ ഇന്ത്യ ഇസ്രായേല്‍ രാഷ്ട്രത്തെ അംഗീകരിച്ചു എങ്കിലും പൂര്‍ണമായ ഡിപ്ലോമാറ്റിക് ബന്ധം തുടങ്ങിയത് 1992 ല്‍ മാത്രമാണ്. പക്ഷെ 1962 ലെ ചൈന യുദ്ധത്തില്‍ അടക്കം ഇന്ത്യയെ ഇസ്രായേല്‍ സഹായിച്ചു. Jerusalem archival record ല്‍ നെഹ്റു ആയുധങ്ങള്‍ക്ക് വേണ്ടി അന്നത്തെ ഇസ്രായേല്‍ പ്രൈം മിനിസ്റ്റര്‍ Ben Gurion മായി നടത്തിയ കത്തിടപാടുകളുടെ രേഖയുണ്ട്. ഇന്ത്യയെ സഹായിക്കാന്‍ അറബ് രാഷ്ട്രങ്ങള്‍ അടക്കം ആരും ഇല്ലാതിരുന്നിട്ടും ‘ധൈര്യവാനായ’ നെഹ്റു Ben Gurion നോട് പറഞ്ഞു ‘ഞങ്ങള്‍ക്ക് ആയുധങ്ങള്‍ വേണം, പക്ഷെ അത് അയക്കുന്ന കപ്പലില്‍ ഇസ്രായേല്‍ ദേശീയ പതാക ഉണ്ടാകരുത്’ എന്ന്. അതായത് ഇസ്രായേലില്‍ നിന്ന് ആയുധങ്ങള്‍ വാങ്ങിയാല്‍ അറബ് രാജ്യങ്ങള്‍ പിണങ്ങും എന്നായിരുന്നു നെഹ്രുവിന്റെ പേടി. ഇപ്പോള്‍ അത് വോട്ട് പോകുമോ എന്ന പേടിയായി മാറി എന്നത് മാത്രമേ ഉള്ളൂ.??

സോവിയറ്റ് യൂണിയന്റെ തകര്‍ച്ചയോടെ അന്നുവരെ രഹസ്യമായി തുടര്‍ന്ന ഇസ്രായേല്‍ ബന്ധം ഇന്ത്യ പരസ്യമാക്കുകയും 1992 ല്‍ പൂര്‍ണതോതില്‍ ഡിപ്ലോമാറ്റിക് ബന്ധം തുടങ്ങുകയും ചെയ്തു. കാര്‍ഗില്‍ യുദ്ധത്തില്‍ ഇന്ത്യയെ സഹായിക്കാന്‍ മുന്നോട്ട് വന്ന ഏക രാജ്യം ഇസ്രായേല്‍ ആയിരുന്നു. ഇസ്രായേല്‍ ഇന്ത്യക്ക് നല്‍കിയ ലേസര്‍ സാങ്കേതിക വിദ്യയുടെ സഹായത്തോടെയാണ് പാകിസ്താനെ ഇന്ത്യ തകര്‍ത്തത്.

2015ല്‍ ഇസ്രായേല്‍ സന്ദര്‍ശന വേളയില്‍ പ്രണബ് മുഖര്‍ജി അതിനെക്കുറിച്ച് പറഞ്ഞത് ‘Israel’s aid was god-sent’ എന്നായിരുന്നു. ബിജെപി ഭരണകാലത്ത് ഇസ്രയേലുമായി പരസ്യമായ ബന്ധം ആയിരുന്നു എങ്കില്‍ കോണ്‍ഗ്രസ് ഭരണകാലത്ത് കൂടുതലും രഹസ്യ ഇടപാടുകള്‍ ആയിരുന്നു. ഇന്ത്യ പാകിസ്താനിലെ ബാലക്കോട്ടില്‍ നടത്തിയ എയര്‍ സ്‌ട്രൈക്ക് കൃത്യമായതിന് സഹായിച്ചത് ഇസ്രായേല്‍ മിസൈലുകള്‍ ഉപയോഗിച്ചതായിരുന്നു. ആയുദ്ധരംഗത്തെ ഇടപാടുകള്‍ മാത്രമല്ല ഇന്ത്യയും ഇസ്രയേലുമായി ഉള്ളത്. സയന്‍സ് ആന്‍ഡ് ടെക്‌നോളജി, ഡ്രിപ് ഇറിഗേഷന്‍, സൈബര്‍ സെക്യൂരിറ്റി, IT ഇന്‍ഫ്രാ, കൃഷി, വാക്സിനേഷന്‍ തുടങ്ങി വിവിധ മേഖലകളില്‍ ഇന്ത്യയും ഇസ്രയേലും പരസ്പ്പരം സഹകരിച്ചു പ്രവര്‍ത്തിക്കുന്നു.

ഇസ്രയേലിനെതിരെയുള്ള ഐക്യരാഷ്ട്ര സഭ പ്രമേയങ്ങളില്‍ ഇന്ത്യ പലസ്തീന് അനുകൂലമായി നിലപാട് എടുത്തിട്ട് പോലും ഇന്ത്യയുമായുള്ള ബന്ധത്തെ കൂടുതല്‍ ഊഷമളത്തോടെ കൊണ്ടുപോകാന്‍ ആണ് ഇസ്രായേല്‍ ശ്രമിച്ചിട്ടുള്ളത്. അതിന് ചരിത്രപരമായ കാരണങ്ങള്‍ കൂടെയുണ്ട്. India and Israel are all-weather friends എന്ന് തന്നെ പറയാം. ഇന്ത്യ പ്രതിസന്ധിയില്‍ ആയപ്പോഴെല്ലാം ഇന്ത്യക്ക് എല്ലാവിധ പിന്തുണയും സഹായവും നല്‍കിയ രാഷ്ട്രമാണ് ഇസ്രായേല്‍. അവര്‍ നല്‍കുന്ന ഇന്റലിജന്‍സ് വിവരങ്ങള്‍ കൊണ്ട് തീവ്രവാദി അക്രമണത്തെ തടയാന്‍ ഇന്ത്യക്ക് എളുപ്പം സാധിക്കുന്നു.

മതതീവ്രവാദത്തിനെതിരെ സീറോ ടോളറന്‍സ് പോളിസി പ്രഖ്യാപിച്ചിട്ടുള്ള ഇന്ത്യക്ക് ഒരിക്കലും സാധാരണ പൗരന്മാര്‍ക്ക് നേരെ ആക്രമണം നടത്തുന്ന പലസ്തീന്‍ തീവ്രവാദികള്‍ക്ക് പിന്തുണ നല്കാന്‍ കഴിയില്ല. ഇസ്രായേല്‍, പലസ്തീന്‍ തീവ്രവാദ കേന്ദ്രങ്ങളില്‍ നടത്തുന്ന തിരിച്ചടിക്ക് മുന്നേ അവിടെയുള്ള സിവിലിയന്മാരോട് ഒഴിഞ്ഞുപോകാന്‍ മുന്നറിയിപ്പ് നല്‍കുക മാത്രമല്ല സമയവും നല്‍കും. അതിന് ശേഷം മാത്രമേ അവര്‍ അക്രമിക്കൂ. പലസ്തീന്‍ തീവ്രവാദികളോ ഇസ്രായേല്‍ ജനവാസ കേന്ദ്രങ്ങള്‍ക്ക് നേരെ ആക്രമണം നടത്തുന്നു. പലസ്തീന്‍ തീവ്രവാദികള്‍ 1500 ല്‍ അധികം റോക്കറ്റ് ആക്രമണം ഇസ്രായേലിലെ ജനവാസ കേന്ദ്രങ്ങളിലേക്ക് നടത്തിയിട്ടും വെറും 7 പേര്‍ മാത്രമാണ് ഇസ്രായേല്‍ ഭാഗത്ത് കൊല്ലപ്പെട്ടത് എന്നത് അവരുടെ പ്രതിരോധത്തിന്റെ ശക്തി എടുത്തു കാണിക്കുന്നു. വേറെ ഏതെങ്കിലും രാജ്യം ആയിരുന്നു എങ്കില്‍ തകര്‍ന്നു തരിപ്പണം ആയിപ്പോയേനെ.

ഇസ്രേല്‍ ആയുധം താഴെവെച്ചാല്‍ ഇസ്രായേല്‍ പിന്നെ ഭൂമുഖത്ത് ഉണ്ടാകില്ല. ആ ജനതയെ മുഴുവന്‍ ഈ തീവ്രവാദികള്‍ കൊന്നുകളയും. ഇന്ത്യ സമാധാനം പ്രസംഗിച്ചിരുന്നപ്പോള്‍ ആണ് കാശ്മീരി പണ്ഡിറ്റുകളെ കാശ്മീരി തീവ്രവാദികള്‍ വംശഹത്യ നടത്തിയത് എന്നോര്‍ക്കണം. ഈ മതഭ്രാന്തന്മാര്‍ക്ക് അറിയാവുന്ന ഭാഷയില്‍ തന്നെ അവരോട് സംസാരിക്കണം. ചത്ത് കഴിഞ്ഞ് മുകളില്‍ ചെന്നാല്‍ 72 ഹൂറിമാരെയും മദ്യപ്പുഴയും കിട്ടുമെന്നുമൊക്കെ കുഞ്ഞുനാള്‍ മുതലേ തലക്കകത്ത് കുത്തിക്കയറ്റുന്നത് കൊണ്ട് കൊല്ലുന്നതും ചാകുന്നതും അവര്‍ക്ക് ഒരു പ്രശ്‌നമേ അല്ലെ. ആരെയെങ്കിലും കൊല്ലണം എന്ന് മാത്രമേ ഉള്ളൂ. പലസ്തീന്‍ തീവ്രവാദികള്‍ മൂന്നും നാലും വയസുള്ള കുഞ്ഞുങ്ങളെയൊക്കെ കൊണ്ട് ആയുധപരിശീലനം നടത്തുന്ന വിഡിയോകള്‍ കണ്ടിട്ടില്ലേ? മതം തിന്ന് ജീവിക്കുന്ന ഈ കുഞ്ഞുങ്ങള്‍ വളര്‍ന്നു വരുമ്പോള്‍ മാനവികത ഉയര്‍ത്തിപ്പിടിക്കുമോ അതോ മറ്റുള്ളവരെ കൊല്ലാന്‍ പോകുമോ?

നമ്മള്‍ കാശ്മീര്‍ വിട്ടുകൊടുത്താല്‍ ഉടന്‍ പറയും ഞങ്ങള്‍ക്ക് ഭൂരിപക്ഷം ഉള്ള മറ്റൊരു സ്ഥലം സ്വന്തന്ത്രമായി വേണമെന്ന്. അതിന്റെ പേരില്‍ ആകും പിന്നെ പൊട്ടിത്തെറി. തമിഴ്നാട്ടില്‍ കണ്ടില്ലേ ഞങ്ങള്‍ക്ക് ഭൂരിപക്ഷം ഉള്ള സ്ഥലത്ത് വേറെ വിശ്വാസങ്ങള്‍ ഒന്നും പാടില്ലെന്ന് പ്രഖ്യാപിക്കുവാണ്.

മതഭ്രാന്തന്മാര്‍ പലസ്തീന്‍ തീവ്രവാദികളെ പിന്തുണയ്ക്കുന്നത് മനസിലാക്കാം. പലസ്തീന്‍ തീവ്രവാദികള്‍ക്ക് വേണ്ടി ഇവിടുത്തെ ഒട്ടുമിക്ക രാഷ്ട്രീയ നേതാക്കളും സാംസ്‌ക്കാരിക ചെന്നായ്ക്കളും മാധ്യമങ്ങളും ഓരിയിടുന്നത് സംഘടിത വോട്ട് ബാങ്ക് ഭയന്നും, വളഞ്ഞിട്ട ആക്രമണം ഓര്‍ത്തുമാണ്. സംഘടിത ശക്തി ഉണ്ട് എന്നതിന്റെ പേരില്‍ എന്തും ചെയ്യിച്ചുകളയാം എന്ന ചിന്തഗതിയാണ് ന്യൂനപക്ഷങ്ങള്‍ക്ക് എന്ന് തുറന്നടിച്ചത് മുന്‍ മുഖ്യമന്ത്രി എ കെ ആന്റണി ആണ്. ആ തുറന്നു പറച്ചിലിന്റെ പേരില്‍ അദ്ദേഹത്തിന്റെ മുഖ്യമന്ത്രി സ്ഥാനം വരെ പോയി എന്നത് എടുത്തുപറയേണ്ടതുണ്ട്.

ഓരോ നിമിഷവും രാജ്യം പ്രതിരോധം ശക്തിപ്പെടുത്തേണ്ടതുണ്ട്. നമ്മുടെ രാജ്യത്ത് തീവ്രവാദികളില്‍ നിന്ന് റോക്കറ്റ് ലോഞ്ചറുകള്‍ ഉള്‍പ്പെടെ ഈയിടെ പിടികൂടിയിരുന്നു. ഐക്യരാഷ്ട്രസഭ ഈയിടെ നല്‍കിയ മുന്നറിയിപ്പ് പ്രകാരം ”significant numbers’ of Islamic State (IS) terrorists കേരളത്തില്‍ ഉണ്ട് എന്നതാണ്. പലസ്തീന്‍ തീവ്രവാദികള്‍ക്ക് വേണ്ടി ഇവിടെ ഉയരുന്ന പിന്തുണ അത്ഭുതപ്പെടുത്തുന്നില്ല. കാശ്മീരില്‍ തീവ്രവാദികളുമായുള്ള പോരാട്ടത്തില്‍ വീരമൃത്യവരിക്കുന്ന സൈനികര്‍ക്ക് അനുശോചനം പോലും അര്‍പ്പിക്കാന്‍ ഭയക്കേണ്ടിവരുന്ന കാലമാണ് വരാന്‍ പോകുന്നത് എന്ന് ആരെങ്കിലും പറഞ്ഞാല്‍ അതിനെ ചിരിച്ചു തള്ളേണ്ട. അത്രയ്ക്ക് മതഭ്രാന്താണ് നമ്മുടെ സമൂഹത്തില്‍ നിലനില്‍ക്കുന്നത്.

ദാരിദ്ര്യമാണ് തീവ്രവാദത്തിന്റെ അടിസ്ഥാന കാരണം എന്ന വെള്ളപൂശലൊക്കെ പണ്ടേ ചീറ്റിപ്പോയ ഒന്നാണ്. വിദ്യാഭ്യാസം കൂടിപ്പോയ ആളുകളാണ് ഇവിടെനിന്ന് ഇസ്ലാമിക് സ്റ്റേറ്റില്‍ പോയത്. വിദ്യാഭ്യാസം ഉണ്ടെന്ന് കരുതുന്ന ആളുകളാണ് മനുഷ്യരെ മതത്തിന്റെ പേരില്‍ നിര്‍ദയം കൊന്നൊടുക്കുന്ന തീവ്രവാദികള്‍ക്ക് പിന്തുണയുമായി നിലകൊള്ളുന്നത്. എല്ലാ മേഖലകളിലും അവരുടെ സമ്പൂര്‍ണ ആധിപത്യമാണ്. അവര്‍ എഴുതിത്തരുന്നത് മാത്രം സോഷ്യല്‍ മീഡിയയില്‍ പോസ്റ്റുകളായി ഇടേണ്ട അവസ്ഥയാണ് നിലവിലുള്ളത്.
മതം, മതഭ്രാന്ത് തന്നെയാണ് പലസ്തീനിലെ തീവ്രവാദികളെ പിന്തുണയ്ക്കുന്നവരുടെ ചേതോവികാരം. അഫ്ഗാനിസ്ഥാനില്‍ കഴിഞ്ഞദിവസം കൊല്ലപ്പെട്ട 68 പിഞ്ചുകുഞ്ഞുങ്ങളെ അവര്‍ കാണില്ല. കാരണം അത് പെണ്കുഞ്ഞുങ്ങള്‍ക്ക് വിദ്യാഭ്യാസം നല്‍കിയതിന് മത തീവ്രവാദികള്‍ നല്‍കിയ ശിക്ഷയാണ്. യെമനില്‍ സൗദി വ്യോമാക്രമണത്തില്‍ കൊല്ലപ്പെട്ട നൂറുകണക്കിന് കുഞ്ഞുങ്ങളുടെ വിലാപം ഇവര്‍ കേള്‍ക്കില്ല, കാരണം അത് സൗദി ആണ് ചെയ്തത്. ഇനിയിപ്പോള്‍ ഇസ്രായേല്‍ ജനതയുടെ മതം മറ്റൊന്നും, പലസ്തീന്‍ ജനതയുടേത് നേരെ തിരിച്ചും ആയിരുന്നു എങ്കില്‍ ഇവര്‍ ആര്‍ക്കപ്പം നില്‍ക്കുമായിരുന്നു എന്ന് പ്രത്യേകം പറയണോ?
മതം തിന്ന് ജീവിക്കുന്നവരെ വിട്ടേക്കുക, അവര്‍ക്ക് രാജ്യം നശിച്ചാലും വേണ്ടില്ല മതമാണ് വലുത്. അവര്‍ നാളെ ഇന്ത്യക്ക് നേരെയും തിരിയാം. ഓരോ ഇന്ത്യക്കാരും ഓര്‍ക്കേണ്ടത് നമുക്ക് എന്നും പിന്തുണയുമായി നിന്നിട്ടുള്ളത് ഇസ്രായേല്‍ തന്നെയാണ് എന്നതാണ്. ഇനി നാളെയും അങ്ങനെ ആയിരിക്കും.

ഇസ്രായേല്‍ ഒരു ജനാധിപത്യ രാഷ്ട്രമാണ്. ഇന്ത്യക്കും ഇസ്രയേലിനും ഒത്തിരി സമാനതകള്‍ ഉണ്ട്. രണ്ടും ശത്രുക്കളാല്‍ വലയം ചെയ്തിരിക്കുന്ന രാഷ്ട്രങ്ങള്‍ ആണ്. പക്ഷെ കരുത്തര്‍ ആയത്‌കൊണ്ട് ശത്രുക്കള്‍ക്ക് ഭയം ഉണ്ട്. അതേപോലെ വ്യത്യാസവും ഉണ്ട് ഇസ്രായേലിന് ശത്രുക്കള്‍ രാജ്യത്തിന് പുറത്ത് ആണെങ്കില്‍ ഇന്ത്യക്ക് ശത്രുക്കള്‍ രാജ്യത്തിന് പുറത്തേതിനേക്കാള്‍ അകത്താണ് എന്നതാണ്. അപ്പോള്‍ കൂടുതല്‍ ജാഗ്രത കാണിക്കേണ്ടത് നമ്മള്‍ ഇന്ത്യക്കാരാണ്. അതിന്റെ സൂചനകളാണ് കാലം മുന്‍കൂട്ടി തരുന്നത് എന്ന് നമ്മള്‍ മനസിലാക്കിയില്ലെങ്കില്‍ കശ്മീരി പണ്ഡിറ്റുകളുടെ അവസ്ഥയായിരിക്കും നമ്മളെയും കാത്തിരിക്കുക.

https://www.facebook.com/jithinjacob.jacob/posts/3875116202558156