മലപ്പുറത്ത് കൊവിഡ് രോഗി സഞ്ചരിച്ച വാഹനം പൊലീസ് പിടിച്ചെടുത്തു ; രോഗിയെ നടു റോഡില്‍ ഇറക്കിവിട്ടു
മലപ്പുറത്ത് ആണ് സംഭവം.മഞ്ചേരിയില്‍ ആണ് കൊവിഡ് രോഗി സഞ്ചരിച്ച വാഹനം പൊലീസ് പിടിച്ചെടുത്തെന്ന് പരാതി ഉയര്‍ന്നിരിക്കുന്നത്. രോഗിയെ പൊലീസ് റോട്ടില്‍ ഇറക്കി വിട്ടന്നും ആരോപണമുണ്ട്. കാവനൂര്‍ സ്വദേശി ഷഫീഖിന്റെ ബൈക്കാണ് പൊലീസ് പിടിച്ചെടുത്തത്. കൊവിഡ് രോഗിയാണെന്ന് പറഞ്ഞിട്ടും പൊലീസ് വഴങ്ങിയില്ലെന്ന് ഷഫീഖ് പറയുന്നു.
മഞ്ചേരി മെഡിക്കല്‍ കോളജില്‍ നിന്നും ആന്റിജന്‍ ടെസ്റ്റ് ചെയ്ത് ഷഫീഖിന് ഇന്ന് കൊവിഡ് സ്ഥിരീകരിച്ചിരുന്നു. വീട്ടിലേക്ക് മടങ്ങും വഴിയാണ് വണ്ടിയുടെ നമ്പര്‍ പ്ലേറ്റിലെ പ്രശ്‌നം ചൂണ്ടികട്ടി പൊലീസ് വാഹനം പിടിച്ചെടുത്തത്.അവസാനം
ഡിവൈഎഫ്‌ഐയുടെ സ്‌നേഹവണ്ടിയിലാണ് ഷെഫീഖിനെ വീട്ടില്‍ എത്തിച്ചത്. ബൈക്ക് ഇപ്പോഴും പൊലീസ് കസ്റ്റഡിയിലാണ്. സംഭവത്തില്‍ ഡിവൈഎഫ്‌ഐ എസ്പിക്ക് പരാതി നല്‍കി.
