ചെന്നിത്തല മികച്ച പ്രതിപക്ഷ നേതാവ് ആയിരുന്നു എന്ന് ഷോണ്‍ ജോര്‍ജ്ജ്
ആരൊക്കെ എന്തൊക്കെ പറഞ്ഞാലും രമേശ് ചെന്നിത്തല മികച്ച പ്രതിപക്ഷ നേതാവ് ആയിരുന്നു എന്ന് ഷോണ്‍ ജോര്‍ജ്ജ്. തന്റെ ഫേസ്ബുക് പേജിലാണ് ഷോണ്‍ ഇക്കാര്യം വ്യക്തമാക്കിയത്.എന്നാല്‍ പിണറായി വിജയന്റെ സ്‌ട്രേറ്റര്‍ജി മാനേജ്‌മെന്റ് ടീമിനോടും, സൈബര്‍ സംവിധാനങ്ങളോടും ,വര്‍ഗീയ ധ്രുവീകരണ അജണ്ടയോടും പൊരുതി നേടാന്‍ അദ്ദേഹത്തിനായില്ല എന്നും ഷോണ്‍ പറയുന്നു. അതുപോലെ പിണറായി വിജയന്‍ എന്ന മുഖ്യമന്ത്രിയ്ക്കും അപ്പുറം ഇവയെല്ലാം നിയന്ത്രിക്കുന്ന അദൃശ്യകരങ്ങളെ മനസ്സിലാക്കി എടുത്ത് അവിടെ ചികിത്സിച്ചാല്‍ മാത്രമേ കോണ്‍ഗ്രസിന് തിരിച്ചു വരാന്‍ സാധിക്കൂ എന്നും പുതിയ പ്രതിപക്ഷ നേതാവ് വിഡി സതീശന് സാധിക്കട്ടെ എന്നും ഷോണ്‍ പറയുന്നു.
ഷോണിന്റെ ഫേസ്ബുക്ക് പോസ്റ്റ് :
‘ആരൊക്കെ എന്തൊക്ക പറഞ്ഞാലും മികച്ച പ്രതിപക്ഷ നേതാവ് തന്നെയായിരുന്നു ശ്രീ.രമേശ് ചെന്നിത്തല. പിണറായി വിജയന്റെ സ്‌ട്രേറ്റര്‍ജി മാനേജ്‌മെന്റ് ടീമിനോടും, സൈബര്‍ സംവിധാനങ്ങളോടും ,വര്‍ഗീയ ധ്രുവീകരണ അജണ്ടയോടും പൊരുതി നേടാന്‍ അദ്ദേഹത്തിനായില്ലെന്നത് സത്യം. എന്തായാലും ഒരു ഭരണകൂടത്തിനെ നിയന്ത്രിക്കുന്നതിലും ,ശരിയായ ദിശയില്‍ നേര്‍വഴിക്ക് നടത്തുന്നതിനും വലിയ പങ്കുവഹിക്കുന്ന പദവിയാണ് പ്രതിപക്ഷ നേതാവ് സ്ഥാനം. സംഘടനാ മികവും, ജനസമ്മതിയും, നിയമസഭാ സാമാജികന്‍ എന്ന നിലയിലുള്ള പ്രവര്‍ത്തനങ്ങളിലും മികച്ച പ്രകടനം കാഴ്ചവെച്ച് കഴിവുതെളിയിച്ച വ്യക്തിയാണ് ശ്രീ. വി.ഡി.സതീശന്. സിപിഐ (എം) എന്ന രാഷ്ട്രീയ പ്രസ്ഥാനത്തിനും, പിണറായി വിജയന്‍ എന്ന മുഖ്യമന്ത്രിയ്ക്കും അപ്പുറം ഇവയെല്ലാം നിയന്ത്രിക്കുന്ന അദൃശ്യകരങ്ങളെ മനസ്സിലാക്കി എടുത്ത് അവിടെ ചികിത്സിച്ചാല്‍ മാത്രമേ കോണ്‍ഗ്രസിന് തിരിച്ചു വരാന്‍ സാധിക്കൂ അതിന് വിഡി സതീശന് സാധിക്കട്ടെ….
ഫേസ്ബുക്ക് ലിങ്ക് :
