പാലക്കാട് വന്‍ കഞ്ചാവ് വേട്ട ; യുവ സിനിമാതാരം അറസ്റ്റില്‍
പാലക്കാട് : കഞ്ചാവ് വേട്ടയില്‍ അരക്കോടി രൂപയുടെ കഞ്ചാവ് പിടികൂടി. പാലക്കാട് തൃത്താല പണ്ടാരകുണ്ട് ഭാഗത്ത് പ്രവര്‍ത്തന രഹിതമായി അടഞ്ഞ് കിടന്ന പന്നി ഫാമിന് സമീപം ഒളിപ്പിച്ചിരുന്ന 125 കിലോ കഞ്ചാവാണ് പിടികൂടിയത്. വിപണിയില്‍ അരക്കോടി രൂപ വിലവരുന്നതാണ് പിടിച്ചെടുത്ത കഞ്ചാവ്. കേസില്‍ പ്രതി സിനിമാ താരം കൂടിയായ തൃത്താല തച്ചറംകുന്ന് സ്വദേശി അമീര്‍ അബ്ബാസിനെ എക്സൈസ് പിടികൂടി. കിളിചുണ്ടന്‍ മാമ്പഴം, ഭാര്യ ഒന്ന് മക്കള്‍ മൂന്ന്, അവസാനമായി ക്വാറന്റൈന്‍ ഡേഴ്‌സ് എന്നീ ചിത്രങ്ങളില്‍ അമീര്‍ അബ്ബാസ് അഭിനയിച്ചിട്ടുണ്ട്. സ്റ്റേറ്റ് എക്സൈസ് എന്‍ഫോഴ്‌സ്‌മെന്റ് സക്വാഡിന് ലഭിച്ച രഹസ്യ വിവരത്തിന്റെ അടിസ്ഥാനത്തിലായിരുന്നു പരിശോധന. വിതരണം ചെയ്യുവാന്‍ വേണ്ടി ഒളിപ്പിച്ചു വെച്ചിരിക്കുകയായിരുന്നു എന്ന് എക്സൈസ് അധികൃതര്‍ പറയുന്നു.
