സത്യയുഗം സായി സേവാ ട്രസ്റ്റ് കോവിഡ് പ്രതിരോധ കിറ്റുകള്‍ വിതരണം ചെയ്തു
കോവിഡ് വ്യാപനം രൂക്ഷമായ സാഹചര്യത്തില്‍ തിരുവനന്തപുരം സത്യയുഗം സായി സേവാ ട്രസ്റ്റിന്റെ അഭിമുഖ്യത്തില്‍ കോവിഡ് പ്രതിരോധത്തില്‍ ഏര്‍പ്പെട്ടിരിക്കുന്ന പോലീസുകാര്‍, വാര്‍ഡ് തല പ്രവര്‍ത്തകര്‍ എന്നിവര്‍ക്ക് കോവിഡ് പ്രതിരോധ കിറ്റുകള്‍ വിതരണം ചെയ്തു. തിരുവനന്തപുരത്തുള്ള കരമന, വഞ്ചിയൂര്‍, ശ്രീകാര്യം, പോലീസ്സ്‌റ്റേഷനുകളിലും കല്ലിയൂര്‍ പഞ്ചായത്തിലെ സര്‍വോദയം വാര്‍ഡ് മെമ്പറുടെയും തിരുവനന്തപുരം കോര്‍പറേഷനിലെ നെടുങ്കാട് ,ചെല്ലമംഗലം വാര്‍ഡ് കൗണ്‍സിലര്‍മാരുടെയും നേതൃത്വത്തിലുള്ള കോവിഡ് പ്രവര്‍ത്തകര്‍ക്കുമാണ് കിറ്റുകള്‍ വിതരണം ചെയ്തത്. ട്രസ്റ്റ് ഫൗണ്ടര്‍ ട്രസ്റ്റീ ആനന്ദഗുരു രാജന്‍സായി, സെക്രട്ടറി അഡ്വ: രാജേഷ്‌കുമാര്‍, കൃഷ്ണന്‍കുട്ടി, സഞ്ജിത് കുമാര്‍, ശാസ്ത, ശരത്കുമാര്‍ എന്നിവര്‍ പങ്കെടുത്തു.
