കൊവാക്സിന് ഉപയോഗത്തിന് പൂര്‍ണ അനുമതിയില്ല
രാജ്യത്തു കൊവാക്സിന് ഉപയോഗത്തിന് പൂര്‍ണ അനുമതിയില്ല. കൊവാക്സിന് തത്കാലം പൂര്‍ണ അനുമതി നല്‍കേണ്ടതില്ലെന്ന് കേന്ദ്ര വിദഗ്ദ്ധ സമിതി അറിയിച്ചു. അടിയന്തര ഉപയോഗത്തിന് അനുമതി തുടരും. ഗര്‍ഭിണികളിലെ കുത്തിവയ്പ്പിനും തത്കാലം അനുമതിയില്ല. കൊവാക്സിന് 77.8 ശതമാനം ഫലപ്രദമെന്ന മൂന്നാംഘട്ട പരീക്ഷണ റിപ്പോര്‍ട്ട് ഇന്നലെ ഡിജിസിഐ അംഗീകരിച്ചിരുന്നു. റിപ്പോര്‍ട്ട് പരിഗണിച്ച വിദഗ്ധ സമിതി അടിയന്തര ഉപയോഗത്തിനുള്ള അനുമതി തുടരാനാണ് തീരുമാനിച്ചത്. പൂര്‍ണ്ണ അനുമതിക്കുള്ള അപേക്ഷയും ഭാരത് ബയോടെക് നല്‍കിയിരുന്നു. എന്നാല്‍ ഇത് പരിഗണിക്കാന്‍ കൂടുതല്‍ വിവരങ്ങള്‍ ആവശ്യമാണെന്ന് വിദഗ്ധ സമിതി വിലയിരുത്തി. ഭാരത് ബയോടെക് വികസിപ്പിച്ചതാണു കൊവാക്സിന്. നിലവില്‍ ധാരാളം പേര്‍ ഈ വാക്സിന് ഡോസ് എടുത്തു കഴിഞ്ഞു.
