മുന്നാറില്‍ മകളെ പീഡിപ്പിച്ച അച്ഛന്‍ അറസ്റ്റില്‍
മുന്നാറില്‍ മകളെ പീഡിപ്പിച്ച സംഭവത്തില്‍ അച്ഛനെ പോലീസ് അറസ്റ്റ് ചെയ്തു. കണ്ണന്‍ ദേവന്‍ എസ്റ്റേറ്റിലെ തോട്ടം തൊഴിലാളിയെയാണ് ദേവികുളം പൊലീസ് അറസ്റ്റ് ചെയ്തത്. മൂന്നുവര്‍ഷം മുമ്പ് അമ്മ മരിച്ചുപോയ പെണ്‍കുട്ടിയെ ഏഴാം ക്ലാസ്സില്‍ പഠിക്കുന്ന സമയം മുതല്‍ അച്ഛന്‍ പീഡിപ്പിച്ചിരുന്നതായി പോലീസ് കണ്ടെത്തി. അച്ഛന്റെ പീഡനം സഹിക്കാനാകാതെ പെണ്‍കുട്ടി ശിശുക്ഷേമ സമിതിയുടെ ഫോണ്‍ നമ്പര്‍ കണ്ടെത്തി പരാതി നല്‍കുകയായിരുന്നു. ശിശുക്ഷേമ സമിതിയുടെ നിര്‍ദേശ പ്രകാരമാണ് ദേവികുളം പൊലീസ് പ്രതിയെ അറസ്റ്റ് ചെയ്തത്. ഇയാളെ ദേവികുളം കോടതിയില്‍ ഹാജരാക്കി റിമാന്‍ഡ് ചെയ്തു.
