ബിജെപിയെ ഭയക്കുന്നവര്‍ പാര്‍ട്ടിക്ക് പുറത്തുപോകണം ; തുറന്നടിച്ച് രാഹുല്‍
ബിജെപിയെ ഭയക്കുന്ന കോണ്‍ഗ്രസുകാര്‍ പാര്‍ട്ടിക്ക് പുറത്തുപോകണമെന്ന് തുറന്നടിച്ചു രാഹുല്‍ഗാന്ധി. ആര്‍.എസ്.എസ് ആശയങ്ങളെ വിശ്വസിക്കുന്നവരെ കോണ്‍ഗ്രസിന് ആവശ്യമില്ലെന്ന് രാഹുല്‍ ഗാന്ധി പറഞ്ഞു. കോണ്‍ഗ്രസിന്റെ സോഷ്യല്‍ മീഡിയ യോഗത്തിലാണ് രാഹുല്‍ ഗാന്ധിയുടെ പരാമര്‍ശം. ആര്‍.എസ്.എസിനെ ഭയപ്പെടാത്ത നിരവധി പേര്‍ പാര്‍ട്ടിക്ക് പുറത്തുണ്ട്. അത്തരം ധീരന്മാരെ കോണ്‍ഗ്രസില്‍ എത്തിക്കണം. കോണ്‍ഗ്രസിന് ആവശ്യം ഭയമില്ലാത്തവരെയാണ്. അവരെ ഏത് സമയത്തും പാര്‍ട്ടി സ്വാഗതം ചെയ്യും. സംഘപരിവാറിന്റെ ആശയങ്ങളില്‍ താത്പര്യമുള്ളവര്‍ പാര്‍ട്ടിയില്‍ നിന്ന് സ്വയം പുറത്തുപോകണമെന്നും രാഹുല്‍ ഗാന്ധി വ്യക്തമാക്കി.
