ജമ്മു കശ്മീരില്‍ മേഘവിസ്‌ഫോടനം ; ഏഴ് മരണം
ജമ്മു കശ്മീരില്‍ ഉണ്ടായ മേഘവിസ്‌ഫോടവും തുടര്‍ന്നുണ്ടായ മഴവെള്ളപ്പാച്ചിലും ഏഴ്‌പേര്‍ മരിച്ചു. 30 ലധികം പേരെ കാണാതായി. കിഷ്ത്വാര്‍ ജില്ലയിലെ ഹൊന്‍സാര്‍ ഗ്രാമത്തിലാണ് ദുരന്തമുണ്ടായത്. കുതിച്ചെത്തിയ വെള്ളത്തില്‍ നിരവധി വീടുകള്‍ ഒലിച്ചു പോയി. നാല് മൃതദേഹങ്ങള്‍ കണ്ടെത്തി. ഹിമാചല്‍പ്രദേശിലും ഉത്തരാഖണ്ഡിലും കനത്ത മഴ തുടരുകയാണ്. കുളു, ലാഹുല്‍ സ്പതി പ്രദേശം വെള്ളപ്പൊക്ക ഭീഷണിയിലാണ്. കുളുവില്‍ വെള്ളപാച്ചിലില്‍ യുവതിയും കുഞ്ഞും ഒലിച്ചുപോയി. ഇവര്‍ക്കായി തിരച്ചില്‍ തുടരുകയാണെന്ന് ജില്ലാ അധികൃതര്‍ അറിയിച്ചു.
സ്ഥലത്തെ സ്ഥിതിഗതികള്‍ വിലയിരുത്തിയ കേന്ദ്ര ആഭ്യന്തര മന്ത്രി അമിത് ഷാ രക്ഷാപ്രവര്‍ത്തനത്തിന് കൂടൂതല്‍ എന്‍ഡിആര്‍എഫ് സംഘത്തെ അയ്ക്കാന്‍ നിര്‍ദ്ദേശം നല്‍കി.പരുക്കേറ്റവരെ ആകാശമാര്‍ഗം ആശുപത്രിയില്‍ എത്തിക്കാന്‍ വ്യോമസേനയുടെ സഹായവും തേടിയിട്ടുണ്ട്. രക്ഷാപ്രവര്‍ത്തനങ്ങളില്‍ പ്രാദേശിക സംഘങ്ങളെ സഹായിക്കാന്‍ ഇന്ത്യന്‍ വ്യോമസേനയോട് ആവശ്യപ്പെട്ടിട്ടുണ്ടെന്ന് കേന്ദ്രമന്ത്രി ജിതേന്ദ്ര സിംഗ് അറിയിച്ചു.
