ഇടുക്കിയില്‍ അന്യസംസ്ഥാന തൊഴിലാളിയുടെ 14കാരിയായ മകള്‍ മരിച്ച നിലയില്‍
ഇടുക്കി കട്ടപ്പനക്കടുത്ത് മേട്ടുകുഴിയിലാണ് സംഭവം. ജാര്‍ഖണ്ഡ് സ്വദേശികളായ മുന്‍ഷിയുടെയും അല്‍ബിനയുടെയും മകള്‍ പ്രീതി (14) യാണ് മരിച്ചത്. മേട്ടുകുഴിയിലെ സ്വകാര്യ ഏലം എസ്റ്റേറ്റില്‍ ജോലി ചെയ്യുന്നവരാണ് ഇവര്‍. മൂന്നാഴ്ച മുന്‍പാണ് ഇവര്‍ ജോലിക്കായെത്തിയത്. ഇന്ന് രാവിലെ മകളെ കാണാത്തതിനെ തുടര്‍ന്ന് നടത്തിയ അന്വേഷണത്തിലാണ് പ്രീതിയെ മരിച്ച നിലയില്‍ കണ്ടെത്തിയത്. വീടിനു പിറകുവശത്തായി തറയില്‍ മരിച്ചു കിടക്കുകയായിരുന്നു. ഉടന്‍ തന്നെ മാതാപിതാക്കള്‍ തോട്ടം ഉടമയെയും പൊലീസിനെയും വിവരം അറിയിച്ചു. മരണത്തില്‍ ദുരൂഹത നിലനില്‍ക്കുന്നതിനാല്‍ പോലീസ് അന്വേഷണം ഊര്‍ജിതമാക്കി. പോസ്റ്റ്‌മോര്‍ട്ടം റിപ്പോര്‍ട്ട് വന്നാല്‍ മാത്രമേ മരണകാരണം വ്യക്തമാകു എന്നാണ് പോലീസ് പറയുന്നത്.
