അഫ്ഗാനിലെ പള്ളിയില്‍ നമസ്‌കാരത്തിനിടെ സ്ഫോടനം ; 32 മരണം
കാണ്ഡഹാറിലെ ഷിയ പള്ളിയില്‍ നടന്ന സ്ഫോടനത്തില്‍ 32 പേര്‍ മരിച്ചു.40 ഓളം പേര്‍ക്ക് പരിക്ക് വെള്ളിയാഴ്ച ഉച്ചക്ക് നമസ്‌കാരത്തിനിടെയാണ് സ്പോടനം ഉണ്ടായത്. നമസ്‌കാരത്തിന് വന്‍ ജനക്കൂട്ടം ഉണ്ടായിരുന്നതായും സംഭവവുമായി ബന്ധപ്പെട്ട് അന്വേഷണം നടത്തിവരുകയാണെന്നും താലിബാന്‍ വക്താവ് പറഞ്ഞു. പള്ളിയുടെ പരിസരത്ത് 3 സ്ഫോടനങ്ങള്‍ നടന്നതായാണ് വിവരം.
കഴിഞ്ഞ ആഴ്ച വടക്കന്‍ അഫ്ഗാനിസ്ഥാനിലെ കുന്ദൂസില്‍ പ്രാര്‍ത്ഥനക്കിടെ നടന്ന ചാവേറാക്രമണത്തില്‍ നൂറിലധികം പേര്‍ കൊല്ലപ്പെട്ടിരുന്നു. നിരവധി പേര്‍ക്ക് പരിക്കേറ്റു. ഗൊസാര്‍-ഇ-സെയ്ദ് അബാദ് പള്ളിയില്‍ വെള്ളിയാഴ്ച നമസ്‌കാരത്തിനിടെയാണ് സ്ഫോടനമുണ്ടായത്. ആക്രമണത്തിന്റെ ഉത്തരവാദിത്തം ആരും ഏറ്റെടുത്തിട്ടില്ല. യുഎസ്, നാറ്റോ സൈന്യം അഫ്ഗാന്‍ വിട്ടതിനുശേഷം നടക്കുന്ന ഏറ്റവും വലിയ ആക്രമണമാണിത്. സ്‌ഫോടനത്തിന് പിന്നില്‍ ഐഎസ് ആണെന്ന് താലിബാന്‍ ആരോപിച്ചു. ഷിയാ മുസ്ലിങ്ങള്‍ക്ക് ഭൂരിപക്ഷമുള്ള പ്രദേശമാണ് കുന്ദൂസ്. ന്യൂനപക്ഷമായ ഷിയാ മുസ്ലിങ്ങള്‍ക്ക് നേരേ ഐഎസ് നിരന്തരം ആക്രമണം നടത്താറുണ്ട്
